वेस्ट इंडिजविरुद्धच्या दुसऱ्या वन-डे सामन्यात विराट कोहलीने आपल्या वन-डे कारकिर्दीतलं ४२ वं शतक झळकावलं. वन-डे क्रिकेटमध्ये सचिनचा सर्वाधिक शतकांचा विक्रम मोडण्यासाठी विराटला अजून ८ शतकं ठोकायची आहेत. मात्र भारताचा माजी कसोटीपटू वासिम जाफरने विराटचा खेळ पाहून एक भविष्यवाणी केली आहे.

विराटने दुसऱ्या वन-डे सामन्यात १२० धावा केल्या, त्याच्या खेळीमुळे वासिम चांगलाच प्रभावित झाला आहे. आगामी काळात वन-डे क्रिकेटमध्ये विराट किमान ७५ ते ८० शतकं ठोकेल असा अंदाज वासिमने व्यक्त केला आहे.

वासिमसोबत माजी क्रिकेटपटू सचिन तेंडुलकरनेही विराट कोहलीच्या खेळीचं कौतुक केलं आहे. “ज्यादिवशी विराट माझ्या शतकांचा विक्रम मोडेल, त्यादिवशी मी स्वतः त्याच्यासाठी शँपेनची बाटली घेऊन जाईन”, असं सचिन म्हणाला.

अवश्य वाचा – विराटने माझा विक्रम मोडला तर…..सचिनने आखलाय खास प्लान