श्रुती व्होरा (मुंबई उपनगर), क्षितिज भोईटे (ठाणे), श्रद्धा वामन (अहमदनगर) किसन तडवी (नाशिक) या राष्ट्रीय खेळाडूंनी कुमारांच्या राज्य मैदानी स्पर्धेत सुवर्णपदकांची कमाई केली. या स्पर्धेत भोईटे याने १६ वर्षांखालील मुलांच्या गटात शंभर मीटर धावण्याची शर्यत ११.१ सेकंदांत जिंकली व वेगवान धावपटूचा मान मिळविला. त्याने दोनशे मीटरची शर्यत जिंकून दुहेरी यश मिळविले. त्याने ही शर्यत २२.९ सेकंदांत पार केली. तडवी याने अपेक्षेप्रमाणे तीन हजार मीटर धावण्याच्या शर्यतीत प्रथम क्रमांक मिळविला. त्याने हे अंतर आठ मिनिटे ४९.८ सेकंदांत पार केले. मुलींच्या १६ वर्षांखालील गटात श्रुती व्होरा हिने थाळीफेकमध्ये (२८.८२ मीटर) सुवर्णपदक मिळविले.
