रोहित शर्माच्या नेतृत्वाखाली भारतीय संघाने अखेरच्या वन-डे सामन्यात न्यूझीलंडवर ३५ धावांनी विजय मिळवत, मालिका ४-१ च्या फरकाने आपल्या नावावर केली. फलंदाजीमध्ये अंबाती रायुडू, हार्दिक पांड्या, विजय शंकर, केदार जाधव तर गोलंदाजीत युजवेंद्र चहल, हार्दिक पांड्या यांनी कमाल दाखवली. मालिकेत बाजी मारल्यानंतर पुरस्काराचा चषक हातात घेतल्यानंतर टीम इंडिया ग्रुप फोटोसाठी एकत्र आली, यावेळी संघाने ‘उरी’ या चित्रपटातील How’s the Josh?? हा डायलॉग म्हणत उपस्थितांची दाद मिळवली. या आगळ्यावेगळ्या सेलिब्रेशनचा व्हिडीओ सध्या सोशल मीडियावर व्हायरल होतोय.

दरम्यान, गोलंदाजांनी केलेल्या शिस्तबद्ध माऱ्यापुढे अखेरच्या वन-डे सामन्यात यजमान न्यूझीलंड संघाला 253 धावांचं लक्ष्य पूर्ण करता आलं नाही. अखेरचा वन-डे सामना 35 धावांनी जिंकत भारताने 5 वन-डे सामन्यांची मालिका 4-1 ने जिंकली आहे. तब्बल 10 वर्षांनी भारतीय संघाने न्यूझीलंडमध्ये वन-डे मालिका जिंकण्याचा पराक्रम केला आहे. न्यूझीलंडचा संघ 44.1 षटकात 217 धावांपर्यंतच मजल मारु शकला.

अवश्य वाचा – IND v NZ : भाऊ…घेऊन टाक ! धोनीचं केदार जाधवला मराठीतून मार्गदर्शन