06 April 2020

News Flash

Ind vs WI : पहिल्या वन-डे सामन्यात झालेले हे 13 विक्रम तुम्हाला माहिती आहेत का?

शतकी खेळीसह रोहितने अनेक विक्रम काढले मोडीत

शतकवीर रोहित शर्मा

रोहित शर्माने झळकावलेलं दीडशतक आणि कर्णधार विराट कोहलीच्या शतकी खेळीच्या जोरावर भारताने पहिल्या वन-डे सामन्यात विंडीजचा 8 गडी राखून पराभव केला. या विजयासह भारताने 5 सामन्यांच्या मालिकेत 1-0 अशी आघाडी घेतली आहे. विंडीजच्या 323 धावांचा पाठलाग करताना रोहितने नाबाद 152 तर विराटने 140 धावांची खेळी केली. या खेळीदरम्यान रोहितने अनेक विक्रमांना गवसणी घालत, अनेक दिग्गजांचे विक्रम मोडलेही.

6 – रोहित शर्माचं वन-डे क्रिकेटमधलं हे सहावं दीडशतक ठरलं. रोहितने सचिन तेंडुलकर आणि डेव्हिड वॉर्नर यांचा विक्रम मोडीत काढला.

3 – एकाच वन-डे सामन्यात दोन पेक्षा जास्त भारतीयांनी 140 पेक्षा जास्त धावा करण्याची ही तिसरी वेळ ठरली.

6 – वन-डे क्रिकेटमध्ये एकाच डावात किमान सहा षटकार ठोकण्याची रोहित शर्माची ही सहावी वेळ ठरली. याआधी पाकिस्तानच्या शाहीद आफ्रिदीने 13 वेळा तर ख्रिस गेलने 9 वेळा अशी कामगिरी केली आहे.

2 – रोहित शर्मा वन-डे क्रिकेटच्या इतिहासात भारतामध्ये सर्वात जलद 4 हजार धावा करणारा दुसरा फलंदाज ठरला आहे. सुनिल गावसकर यांनी 86 डावांमध्ये ही कामगिरी केली होती. रोहितने यासाठी 87 डाव घेतले.

9 – रोहितने चॅम्पियन्स ट्रॉफीपासून सुरुवात करत आतापर्यंत सलग 9 वन-डे मालिकांमध्ये शतक झळकावलं आहे.

2 – वन-डे क्रिकेटमध्ये धावांचा पाठलाग करताना 6 हजार धावांचा टप्पा गाठणारा विराट कोहली दुसरा फलंदाज ठरला आहे.

1 – विराट आणि रोहितची विंडीजविरुद्ध दुसऱ्या विकेटसाठी 246 धावांची भागीदारी. भारताची वन-डे क्रिकेटमधली विंडीजविरुद्ध ही सर्वोत्तम भागीदारी ठरली आहे.

5 – विराट कोहली आणि रोहित शर्मामधली ही पाचवी द्विशतकी भागीदारी ठरली.

14 – कर्णधार या नात्याने विराट कोहलीचं हे 14 वं शतक ठरलं. या शतकासह विराटने एबी डिव्हीलियर्सचा 13 शतकांचा विक्रम मोडीत काढला. सध्या रिकी पाँटींग 22 शतकांसह पहिल्या स्थानावर आहे.

5 – भारताकडून एका कॅलेंडर वर्षात 2 हजार धावा पूर्ण करण्याची विराट कोहलीची ही पाचवी वेळ ठरली आहे. या कामगिरीसह विराटने सचिनच्या विक्रमाशी बरोबरी केली आहे. सध्या श्रीलंकेचा माजी यष्टीरक्षक कुमार संगकारा विराट व सचिनच्या पुढे आहे.

8 – 200 व्या वन-डे सामन्यात शून्यावर बाद होणारा मार्लन सॅम्युअल्स आठवा फलंदाज ठरला.

13 – विंडीजच्या शिमरॉन हेटमायरने 13 डावांमध्ये आपलं वन-डे क्रिकेटमधलं तिसरं शतक साजरं केलं. या कामगिरीसह हेटमायरने व्हिव रिचर्ड्स यांचा विक्रम मोडीत काढला.

2 – ऋषभ पंत भारताकडून तिन्ही प्रकारच्या क्रिकेट प्रकारात पदार्पण करणारा दुसरा तरुण खेळाडू ठरला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 21, 2018 10:09 pm

Web Title: west indies tour of india 2018 these 13 records were made and broken during 1st odi at guwahati between india and west indies
Next Stories
1 IND vs WI : ….आणि विराटने टाकले सचिनला मागे
2 Pro Kabaddi Season 6 : दिल्ली ठरली दबंग, बंगाल वॉरियर्स पराभूत
3 IND vs WI : ‘हिटमॅन’ची ‘विराट’ कामगिरी; भारताचा विंडीजवर दणदणीत विजय
Just Now!
X