वेस्ट इंडिज संघाला वर्षभरात दुसऱ्यांदा षटकांची गती धिमी राखल्याचा भरूदड पडला असतानाच कर्णधार ड्वेन ब्राव्होला रविवारी होणाऱ्या श्रीलंकेविरुद्धच्या एकदिवसीय सामन्याला मुकावे लागणार आहे. भारताविरुद्धच्या एकदिवसीय सामन्यात वेस्ट इंडिज संघाने अपेक्षित षटकांपेक्षा एक षटक कमी टाकले होते. आयसीसीचे सामनाधिकारी जेफ क्रो यांनी ब्राव्होला २० टक्के आणि संघातील अन्य खेळाडूंना मानधनाच्या १० टक्के रकमेचा दंड ठोठावला आहे.
