21 January 2021

News Flash

धोनीच्या सांगण्यावरून गुडघ्याच्या दुखापतीसह २०१५च्या विश्वचषकाची उपांत्य फेरी खेळलो!

भारताचा वेगवान गोलंदाज मोहम्मद शमीकडून खुलासा

संग्रहित छायाचित्र

ऑस्ट्रेलियात झालेल्या २०१५च्या एकदिवसीय विश्वचषक क्रिकेट स्पर्धेच्या उपांत्य सामन्यापूर्वी गुडघ्याला दुखापत झालेली असतानाही कर्णधार महेंद्रसिंह धोनीच्या सांगण्यावरून मी खेळलो, अशी कबुली भारताचा वेगवान गोलंदाज मोहम्मद शमीने गुरुवारी दिली.

मार्च २०१५मध्ये झालेल्या ऑस्ट्रेलियाविरुद्धच्या त्या उपांत्य सामन्यानंतर शमी थेट जुलै, २०१६मध्ये आंतरराष्ट्रीय सामना खेळला. गुडघ्याच्या दुखापतीतून सावरण्यासाठी त्याला जवळपास वर्षभराचा अवधी गेला. भारताचा माजी वेगवान गोलंदाज इरफान पठाणशी ‘इन्स्टाग्राम’वर थेट संवाद साधताना शमीने याबाबत खुलासा केला.

‘‘ऑस्ट्रेलियाविरुद्धच्या उपांत्य सामन्यापूर्वीच गुडघ्याच्या दुखापतीविषयी संघसहकाऱ्यांना कळवले. विशेष म्हणजे प्रत्यक्षात सामन्याच्या दिवशी मला असह्य़ वेदना जाणवत होत्या. परंतु संघ व्यवस्थापन आणि धोनी यांनी माझे प्रोत्साहन वाढवले,’’ असे शमी म्हणाला.

‘‘धोनीने स्वत: माझ्याशी संवाद साधून विश्वचषकाच्या उपांत्य सामन्यात तुझ्यासारख्या गोलंदाजाला आम्ही संघाबाहेर ठेवू शकत नाही, असे सांगितले. त्यामुळेच मी तात्काळ उपचार घेत सामना खेळण्यासाठी उतरलो,’’ असे शमीने सांगितले.

त्याशिवाय संपूर्ण विश्वचषकादरम्यानच आपल्याभोवती दुखापतीचे चक्र फिरतच होते, असेही शमीने नमूद केले. शमीच्या या खुलाशांमुळे समाजमाध्यमांवर मात्र क्रीडाप्रेमींमध्ये चर्चा रंगली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 17, 2020 12:09 am

Web Title: with dhoni i played semi final of world cup with a knee injury says mohammad shami abn 97
Next Stories
1 ऑनलाइन आंतरराष्ट्रीय नेमबाजी स्पर्धेला नेमबाजांची पसंती
2 आमच्या देशात आयपीएल भरवा ! ‘या’ क्रिकेट बोर्डाने दिली बीसीसीआयला ऑफर
3 कबड्डीप्रेमींसाठी पर्वणी ! २० एप्रिलपासून अनुभवा भारताच्या विश्वचषक विजयाचा थरार
Just Now!
X