Women's T20 World Cup 2020 Ind Vs Ban : टी २० विश्वचषक स्पर्धेत आज भारतीय महिला संघाने बांगलादेशचा १८ धावांनी पराभव केला. शफाली वर्मा (३९) आणि जेमिमा रॉड्रीग्ज यांच्या दमदार फलंदाजीच्या जोरावर भारतीय महिला संघाने बांगलादेशला १४३ धावांचे आव्हान दिले होते. या आव्हानाचा पाठलाग करणे बांगलादेशी फलंदाजांना शक्य झाले नाही. पूनम यादवचे ३ बळी आणि तिला शिखा पांडे, अरूंधती रेड्डी यांनी दिलेली साथ याच्या बळावर भारताने बांगलादेशला ८ बाद १२४ धावांवरच रोखले आणि स्पर्धेतील सलग दुसरा सामना जिंकला. Two wins from two The two highest totals of the tournament so far India have made quite the start to their #T20WorldCup campaign #INDvBAN pic.twitter.com/QJdZO7UjJA — T20 World Cup (@T20WorldCup) February 24, 2020 अजब-गजब रनआऊट! VIDEO पाहून तुम्हालाही आवरणार नाही हसू सामन्यात बांगलादेशची कर्णधार सलमा खातून हिने नाणेफेक जिंकून प्रथम गोलंदाजीचा निर्णय घेतला. इन-फॉर्म सलामीवीर स्मृती मानधना हिच्या अनुपस्थितीत रिचा घोषला संघात स्थान मिळाले. स्मृती मानधना संघात नसल्याने यष्टीरक्षक तानिया भाटीया हिला सलामीवीर म्हणून बढती देण्यात आली, पण ती केवळ २ धावा करून माघारी परतली. धडाकेबाज फटकेबाजी करणारी शफाली पुन्हा एकदा मोठी खेळी करण्यात अयशस्वी ठरली. १७ चेंडूत २ चौकार आणि ४ षटकार खेचत तिने ३९ धावा केल्या आणि ती बाद झाली. ट्रम्प यांनी केलं सचिन, विराटचं तोंडभरून कौतुक भारत चांगली भागीदारी करताना दिसत असतानाच वाईडचा चेंडू मारताना कर्णधार हरमनप्रीत बाद झाली. तिने ११ चेंडूत ८ धावा केल्या. संयमी खेळी करणारी मुंबईकर जेमिमा रॉड्रीग्ज चोरटी धाव घेताना धावबाद झाली. ती ३७ चेंडूत ३४ धावा करून माघारी परतली आणि भारताला चौथा धक्का बसला. स्मृती मानधना हिच्या जागी संघात स्थान मिळालेली रिचा घोष मोठा फटका खेळताना झेलबाद झाली आणि भारताचा निम्मा संघ माघारी परतला. तिने १४ चेंडूत १४ धावा केल्या. त्यानंतर दिप्तीदेखील ११ धावा काढून धावबाद झाली. शेवटच्या टप्प्यात वेदा कृष्णमूर्ती हिने ४ चौकारांसह ११ चेंडूत २० धावा केल्या आणि भारताला १४२ धावांचा टप्पा गाठून दिला. १७ चेंडूत ३९ धावा करणारी शफाली सामनावीर ठरली. Self-ali Verma #INDvBAN | #T20WorldCup pic.twitter.com/M21jQy6PcA — T20 World Cup (@T20WorldCup) February 24, 2020 या आव्हानाचा पाठलाग करताना भारताला सुरूवातीलाच पहिलं यश मिळाला. सलामीवीर शमिमा सुलताना मोठा फटका खेळताना बाद झाली. तिने केवळ ३ धावा केल्या. संयमी खेळ करत भागीदारी रचताना बांगलादेशला दुसरा धक्का बसला. मुर्शिदा खातून २६ चेंडूत ३० धावा करून माघारी परतली. भारतीय गोलंदाजांच्या दमदार कामगिरीमुळे बांगलादेशचे पुढचे दोन गडी झटपट तंबूत परतले. आधी संजीदा इस्लाम १० धावांवर बाद झाली, तर पाठोपाठ फरगाना हक शून्यावर तंबूत गेली. मॅच फिक्सिंग : ICC कडून क्रिकेटपटूवर ७ वर्षांची बंदी विजयासाठी आवश्यक असलेली धावगती गाठण्यासाठी फटकेबाजी करताना फाहीमा खातून बाद झाली आणि बांगलादेशचा निम्मा संघ माघारी परतला. एक बाजू लावून धरत २६ चेंडूत ३५ धावांची धडाकेबाज खेळी करणारी निगर सुलताना झेलबाद झाली. तिला राजेश्वरी गायकवाडने बाद केले. त्यानंतर मात्र बांगलादेशला डोकं वर काढता आलं नाही. पूनम यादवने ३; शिखा पांडे, अरूंधती रेड्डीने २-२ बळी आणि गायकवाडने १ बळी टिपत बांगलादेशला २० षटकात ८ बाद १२४ धावांवरच रोखले. Video : स्मिथची ‘हवाई फिल्डिंग’! सीमारेषेवर षटकार जात असताना काय केलं पाहा… प्रकृती अस्वास्थ्यामुळे सामन्यात भारताची अनुभवी सलामीवीर स्मृती मानधना खेळू शकली नाही. तिच्या जागी संघात रिचा घोष हिला संधी देण्यात आली होती.
