एच. एस. प्रणॉय आणि मिश्र दुहेरीत भारतीय खेळाडूंनी दमदार कामगिरी केल्यानंतर, किदम्बी श्रीकांतने जागतिक बॅडमिंटन अजिंक्यपद स्पर्धेत दमदार कामगिरी केली आहे. पहिल्या फेरीत श्रीकांतने आयर्लंडच्या नहात न्युगेनचा २१-१५, २१-१६ अशा सरळ दोन सेट्समध्ये पराभव केला.

पहिल्या फेरीत श्रीकांतसमोर तुलनेने सोपं आव्हान होतं. अपेक्षेप्रमाणे नहातकडूनही श्रीकांतला फारशी टक्कर मिळाली नाही. अवघ्या ३७ मिनीटांमध्ये सामना जिंकत श्रीकांतने पुढच्या फेरीत धडक मारली आहे.