News Flash

World Cup 2019 : संभ्रम संपला, पाहा टीम इंडियाच्या भगव्या जर्सीचे अधिकृत फोटो

बीसीसीआयकडून जर्सीची अधिकृत घोषणा

गेले काही दिवस टीम इंडियाच्या भगव्या जर्सीवरुन सुरु असलेला संभ्रम अखेर आज संपलेला आहे. बीसीसीआयने इंग्लंडविरुद्धच्या सामन्यासाठी टीम इंडियाच्या भगव्या जर्सीचे फोटो आपल्या सोशल मीडिया अकाऊंटवरुन जाहीर केले आहेत. रविवारी इंग्लंडविरुद्ध सामन्यात टीम इंडिया नवीन जर्सी घालून मैदानात उतरणार आहे.

गेल्या काही दिवसांत अनेक प्रसारमाध्यमं आणि सोशल मीडियावर टीम इंडियाच्या भगव्या जर्सीचे फोटो फिरत होते. यावरुन भारतामध्ये राजकारणही सुरु झालं. काँग्रेस आणि समाजवादी पक्षाच्या काही नेत्यांनी या जर्सीला विरोध दर्शवला. मध्यंतरीच्या काळात भारताचे गोलंदाजी प्रशिक्षक भारत अरुण यांनी जर्सीच्या रंगाबद्दल आम्हाला काहीही माहिती नसल्याचं सांगत अजुन संभ्रम वाढवला.

नवीन जर्सीमध्ये समोरचा भाग हा निळ्या रंगाचाच ठेवण्यात आला असून दोन्ही हात आणि पाठीमागचा संपूर्ण भाग भगव्या रंगात ठेवण्यात आला आहे. २०१९ विश्वचषक स्पर्धेसाठी आयसीसीने Home आणि Away ही संकल्पना राबवली होती. त्यानुसार एकाच रंगाची जर्सी घालून खेळणाऱ्या संघाना Home आणि Away सामन्यांकरता वेगवेगळ्या जर्सी घालणं बंधनकारक होतं. त्यामुळे ही नवीन जर्सी घालून टीम इंडिया इंग्लंडविरोधात कसा खेळ करते हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 28, 2019 8:02 pm

Web Title: world cup 2019 bcci revels its official orange jersey for team india against england psd 91
टॅग : Bcci
Next Stories
1 Video : श्रीलंका विरुद्ध आफ्रिका सामन्यात मैदानावर माश्यांचा हल्ला
2 World Cup 2019 : आफ्रिकेच्या विजयाने श्रीलंकेचं गणित बिघडलं, उपांत्य फेरीचा रस्ता अवघड
3 World Cup 2019 : चांगल्या कामगिरीचं श्रेय फक्त माझंच – मोहम्मद शमी
Just Now!
X