20 October 2020

News Flash

World Cup 2019 : संधी हुकल्यानंतर मी अधिक सकारात्मक झालो – ऋषभ पंत

शिखरच्या जागी ऋषभला भारतीय संघात स्थान

सलामीवीर शिखर धवनला झालेल्या दुखापतीमुळे, भारतीय संघाचा डावखुरा फलंदाज आणि यष्टीरक्षक ऋषभ पंतला भारतीय संघात स्थान मिळालं. विश्वचषक स्पर्धेसाठी १५ जणांचा संघ घोषित करताना एम.एस.के. प्रसाद यांच्या निवड समितीने पंतला डावलून दिनेश कार्तिकला संघात स्थान दिलं. मात्र ही संधी नाकारल्यानंतर आपल्यामध्ये सकारात्मक बदल झाल्याचं ऋषभ पंत म्हणाला. BCCI च्या Chahal TV कार्यक्रमात पंत बोलत होता.

“सुरुवातीच्या संघात माझी निवड झाली नव्हती, त्यावेळी माझ्या कामगिरीत काही उणीव राहिली असेल असं मला वाटलं. मात्र यानंतर मी अजुन सकारात्मक झालो. माझा खेळ अजुन कसा सुधरवता येईल याकडे लक्ष दिलं. आयपीएलमध्ये दिल्लीविरुद्ध खेळत असताना मी चांगली कामगिरी केली, त्यानंतरही मी सराव सुरु ठेवला. याचाच मला फायदा झाला.” पंत आपला सहकारी चहलशी संवाद साधत होता.

“एक क्रिकेटपटू म्हणून विश्वचषक स्पर्धेत खेळण्याचं माझं स्वप्न होतं. ज्यावेळी शिखर धवनच्या जागेवर मला पर्याय म्हणून इंग्लंडला बोलवण्यात आलं, त्यावेळी मी आईसोबत होतो. तिला जेव्हा ही गोष्ट समजली तेव्हा तिने लगेच मंदिरात जाऊन आपला नवस पूर्ण केला. मी देखील तेव्हा खूप आनंदात होतो.” शिखर धवनच्या जागी ऋषभ पंतची संघात निवड झाली असली तरीही अंतिम ११ जणांच्या संघात त्याला जागा मिळते का हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 22, 2019 3:47 pm

Web Title: world cup 2019 i became more positive after being ignored for world cup says rishabh pant psd 91
Next Stories
1 World Cup 2019 IND vs AFG : खूब लढा अफगाणिस्तान… पण अखेर भारताचा विजय
2 BLOG : विश्वचषक स्पर्धेला अशा रंगतदार सामन्यांची गरज
3 Cricket World Cup 2019 : विराटसेनेपुढे अफगाणी आव्हान
Just Now!
X