News Flash

World Cup 2019 : काकाच्या पावलावर पुतण्याचं पाऊल, शतकी खेळीनंतर इमाम उल-हक हिटविकेट

मुस्तफिजुरच्या गोलंदाजीवर घडला प्रकार

२०१९ विश्वचषक स्पर्धेत पाकिस्तानचं स्पर्धेतलं आव्हान संपुष्टात आलंय. बांगलादेशला विजयासाठी ३१६ धावांचं आव्हान दिल्यानंतर, पाकिस्तानी गोलंदाजांना बांगलादेशला ७ धावांच्या आत बाद करायचं होतं. मात्र हे काम करण्यात ते अपयशी ठरले. त्याआधी इमाम उल-हक आणि बाबर आझम यांच्या आक्रमक खेळाच्या जोरावर पाकिस्तानने ३०० धावांचा टप्पा ओलांडला. इमाम उल-हकने १०० चेंडूत १०० धावांची खेळी केली.

मात्र इमामला आपल्या या शतकाचा फारसा आनंद घेता आला नाही. शतक झळकावल्यानंतर इमाम उल-हक हिटविकेट होऊन माघारी परतला. मुस्तफिजूर रहेमानच्या गोलंदाजीवर हा प्रकार घडला. इमामच्या या हिटविकेटमुळे, क्रिकेटप्रेमींना पाकिस्तानचा माजी खेळाडू इंझमाम फल-हकची आठवण झाली. आपल्या स्थुल देहयष्टीसाठी ओळखला जाणारा इंझमाम उल-हक अनेकदा हिटविकेट झालेला आहे. महत्वाची गोष्ट म्हणजे इमाम उल-हक हा इंझमाम उल-हकचा पुतण्या आहे.

नाणेफेक जिंकून पाकिस्तानचा कर्णधार सरफराज अहमदने प्रथम फलंदाजी करण्याचा निर्णय घेतला. सलामीवीर फखार झमान मोहम्मद सैफुद्दीनच्या गोलंदाजीवर माघारी परतला. यानंतर इमाम उल-हक आणि बाबर आझम यांनी दुसऱ्या विकेटसाठी शतकी भागीदारी रचत पाकिस्तानचा डाव सावरला. इमाम उल-हकने १०० चेंडूत १०० धावा झळकावत संघाचा डाव सावरण्यात मोलाची भूमिका बजावसी. दोघांनीही दुसऱ्या विकेटसाठी १५७ धावांची भागीदारी केली. सैफुद्दीनने बाबर आझमला माघारी धाडत पाकिस्तानची जमलेली जोडी फोडली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2019 9:01 pm

Web Title: world cup 2019 imam does an inzamam gets out hit wicket psd 91
Next Stories
1 पुढच्या ५० डावात सरफराज ५०० धावा करेल, सोशल मीडियावर ट्रोल
2 World Cup 2019 : पाकिस्तानची बांगलादेशवर मात, मात्र स्पर्धेतलं आव्हान संपुष्टात
3 …तर मी इंग्लंडच्या रस्त्यांवर शर्ट काढून फिरेन: विराट कोहली
Just Now!
X