26 October 2020

News Flash

झिम्बाब्वेचा कर्णधार मसाकाझाची निवृत्ती

२००१मध्ये आंतरराष्ट्रीय क्रिकेटमध्ये पदार्पण करणाऱ्या मसाकाझाने झिम्बाब्वेच्या यशात मोलाची भूमिका बजावली आहे

(संग्रहित छायाचित्र)

झिम्बाब्वेचा कर्णधार हॅमिल्टन मसाकाझाने शुक्रवारी झालेल्या अफगाणिस्तानविरुद्धच्या ट्वेन्टी-२० सामन्यानंतर आंतरराष्ट्रीय क्रिकेटमधून निवृत्ती पत्करली. ४२ चेंडूंत ७१ धावांची खेळी करत मसाकाझाने झिम्बाब्वेच्या विजयात मोलाची भूमिका बजावली.

मसाकाझाने पाच षटकार आणि चार चौकारांची आतषबाजी करत झिम्बाब्वेला अफगाणिस्तानवर पहिला ट्वेन्टी-२० विजय मिळवून आपल्या १८ वर्षांच्या कारकीर्दीची सांगता केली. ‘‘अखेरच्या सामन्यात संघाला विजय मिळवून देणे हा माझ्यासाठी अभिमानास्पद क्षण आहे,’’ असे मसाकाझाने सांगितले.

२००१मध्ये आंतरराष्ट्रीय क्रिकेटमध्ये पदार्पण करणाऱ्या मसाकाझाने झिम्बाब्वेच्या यशात मोलाची भूमिका बजावली आहे. वेस्ट इंडिजविरुद्धच्या पदार्पणाच्या कसोटीतच शतक झळकावणारा सर्वात युवा खेळाडूचा विश्वविक्रम त्याने आपल्या नावावर केला होता. पण तीन महिन्यांतच त्याचा हा विक्रम बांगलादेशच्या मोहम्मद अश्रफुलने मोडीत काढला होता. मसाकाझाने ३८ कसोटी, २०९ एकदिवसीय तसेच ६६ ट्वेन्टी-२० सामन्यांमध्ये झिम्बाब्वेचे प्रतिनिधित्व केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 22, 2019 1:16 am

Web Title: zimbabwe captain masakazas retirement abn 97
Next Stories
1 जागतिक कुस्ती स्पर्धा : दीपकला आज जागतिक सुवर्णपदकाची संधी
2 भारतीय संघाला बरोबरीची गरज
3 राष्ट्रीय कार रॅली स्पर्धेत अपघातादरम्यान तिघांचा मृत्यू
Just Now!
X