लंडन : गोलंदाजाने चेंडू टाकण्याआधी नॉन-स्ट्राईकवरील (गोलंदाजाच्या बाजूकडील)  फलंदाजाने क्रीज सोडले, तरी त्याला धावबाद करण्याला आपण समर्थन करत नाही, अशी भूमिका इंग्लंडच्या मर्यादित षटकांच्या संघाचा कर्णधार जोस बटलरने घेतली आहे. ‘‘माझ्या संघातील गोलंदाजाने नॉन-स्ट्राईकवरील फलंदाजाला धावबाद केल्यास मी त्या फलंदाजाला परत बोलवेन. एखाद्या फलंदाजाने अशाप्रकारे बाद होणे कोणालाही आवडणार नाही. क्रिकेटरसिकांना फलंदाज आणि गोलंदाज यांच्यातील संघर्ष पाहायचा असतो,’’ असे बटलर म्हणाला.