Ajinkya Rahane: लखनौकडून पराभूत होताच अजिंक्य रहाणे संतापला! ‘या’ खेळाडूंवर फोडलं पराभवाचं खापर, म्हणाला…

KKR vs LSG, Ajinkya Rahane Statement: लखनौ सुपर जायंट्स संघाविरूद्ध झालेल्या सामन्यात अजिंक्य रहाणेला पराभवाचा सामना करावा लागला आहे. दरम्यान या पराभवानंतर बोलताना अजिंक्य रहाणे काय म्हणाला?

ajinkya rahane (फोटो-एक्स)

Ajinkya Rahane Statement On Defeat: आयपीएल २०२६ स्पर्धेत कोलकाता नाईट रायडर्स संघाचा फ्लॉप शो सुरूच आहे. पंजाब किंग्जविरुद्ध झालेला सामना पावसामुळे धुतला गेला होता. त्यामुळे दोन्ही संघांना प्रत्येकी १-१ गुण देण्यात आला होता. लखनौ सुपर जायंट्स संघाविरुद्ध झालेल्या सामन्यात कोलकाता नाईट रायडर्सकडे विजय मिळवण्याची नामी संधी होती. पण ही संधी थोडक्यात हुकली. मुकुल चौधरी शेवटी फलंदाजीला आला आणि त्याने सामना लखनौ सुपर जायंट्स संघाच्या बाजूने खेचून आणला. लखनौचे ७ फलंदाज तंबूत परतले होते. पण शेवटी मुकुलने नाबाद ५४ धावांची खेळी केली आणि आपल्या संघाला ३ गडी राखून विजय मिळवून दिला.

विजय मिळवण्याची नामी संधी जिंकल्यानंतर कर्णधार अजिंक्य रहाणे नाराज झाल्याचं दिसून आलं. सामना झाल्यानंतर तो म्हणाला, “हा पराभव पचवणं जरा कठीण आहे. मुकुलची खेळी टर्निंग पॉईंट ठरली. ज्या पद्धतीने त्याने ते फटके मारले ते खरंच कौतुकास्पद आहे.”

हेही वाचा

Mukul Choudhary: लखनौचा ‘महाबली’! षटकारांची लयलूट करणारा मुकुल चौधरी आहे तरी कोण?

सामना झाल्यानंतर अजिंक्य रहाणे म्हणाला, “क्षेत्ररक्षण करत असताना १-२ चुका झाल्या, पण आमच्या गोलंदाजांनी खरंच खूप चांगली गोलंदाजी केली. सामना गमावल्यानंतर चुका काढणं खूप सोपं आहे. पण फलंदाजी करताना मी आणि अंगक्रिशने मिळून चांगली भागीदारी केली. त्यानंतर रोमन पॉवेल आणि कॅमेरुन ग्रीनने देखील चांगली फलंदाजी केली. मला तरी हेच वाटतं की, या खेळपट्टीवर १८०-१८५ धावा पुरेशा होत्या. या खेळपट्टीवर मोठे फटके खेळणं सोपं नव्हतं. शेवटी चेंडू थांबून येत होता. पण फलंदाजांना श्रेय द्यावं लागेल.”

हेही वाचा

मुकुल चौधरी काही महिन्यात देशातला धोकादायक टी२० बॅट्समन होईल; कोणाचं भाकीत ठरलं खरं?

तसेच तो पुढे म्हणाला की, “या सामन्यातील १८ व्या षटकापर्यंत आम्ही सामन्यात टिकून होतो. पण शेवटच्या २ षटकात सामना फिरू शकतो. मुकुल आणि शेवटच्या पार्टनरशिपला श्रेय द्यावं लागेल. लखनौकडे गमावण्यासाठी काहीच नव्हतं. २ षटकात ३० धावांची गरज होती, त्यामुळे बॅट फिरवणं हाच पर्याय होता. मुकुलने दमदार फलंदाजी केली. आम्ही देखील काही चांगले चेंडू टाकले.” कोलकाताने हा सामना ३ गडी राखून गमावला. त्यामुळे आता अजिंक्य रहाणेच्या नेतृत्वावर प्रश्नचिन्ह उपस्थित केलं जात आहे.