भारताची आघाडीची महिला तिरंदाज दीपिका कुमारीचा टोक्यो ऑलिम्पिकमधील प्रवास संपुष्टात आला आहे. उपांत्यपूर्व फेरीत दीपिकाला दक्षिण कोरियन तिरंदाज अन सानने ०-६ ने पराभूत केले. रशियन ऑलिम्पिक समितीच्या (आरओसी) केन्सिया पेरोवाचा पराभव करून दीपिकाने उपांत्यपूर्व फेरी गाठली होती. कोरियन अन सानने पहिल्या फेरीत शानदार सुरुवात केली आणि तीन १०एस असे गुण मिळवले, तर दीपिकाने ७-१०-१० असे गुण मिळवले. सानने दुसऱ्या फेरीतही ९-१०-७ अशी गती राखली. दुसरीकडे दीपिकाने १०-७-७ असे गुण मिळवले. दक्षिण कोरियाच्नया सानने तिसऱ्या सेटवर वर्चस्व राखत २६ गुण मिळवले. तर दीपिकाला २४ गुण मिळवता आले. सहा मिनिटांपेक्षा कमी वेळेत हा सामना संपला. सानचा पुढील सामना अमेरिकेच्या मैकेंजी ब्राउन किंवा मेक्सिकोच्या एलेजांद्रा वालेंसियाशी होईल. हेही वाचा – Tokyo 2020 : काय सांगता..! कंडोममुळं ‘तिनं’ जिंकलं मेडल World number 1 archer #DeepikaKumari eliminated in quarterfinals losing to South Korea's An San. #AnSan wrapped up the women's individual match 6-0 in less than six minutes. — All India Radio News (@airnewsalerts) July 30, 2021 जागतिक क्रमवारीत पहिल्या स्थानावर असणाऱ्या दीपिका कुमारीने जबरदस्त कामगिरी करत उपांत्यपूर्व फेरीमध्ये धडक दिली होती. तिने रशियाच्या सेनिया पेरोवाचा पराभव करत उपांत्यपूर्व फेरी गाठली. तिने हा सामना ६-५ ने जिंकला होता.
