Arshdeep Singh Won ICC Men’s T20I Cricketer of the Year 2024 Award: आयसीसीने २०२४ मधील सर्वाेत्कृष्ट टी-२० क्रिकेटपटूची घोषणा केली आहे. आयसीसीच्या या पुरस्कारासाठी झिम्बाब्वेचा सिंकदर रझा, ऑस्ट्रेलियाचा ट्रॅव्हिस हेड आणि पाकिस्तानच्या बाबर आझमला नामांकन देण्यात आले होते. पण भारताच्या या गोलंदाजाने सर्वांना मागे टाकत आयसीसी २०२४ चा सर्वाेत्कृष्ट टी-२० खेळाडूचा किताब जिंकला आहे.

२०२४ मध्ये भारताचा टी-२० मध्ये आघाडीचा विकेट घेणारा अर्शदीप सिंग याला आयसीसी पुरस्कारांमध्ये ICC पुरुष T20I क्रिकेटर ऑफ द इयर म्हणून निवडण्यात आले आहे. २०२४ मध्ये त्याने चेंडूने अत्यंत चांगली कामगिरी केली होती. अर्शदीप सिंगने २०२४ च्या आयसीसी पुरुष टी-२० विश्वचषक स्पर्धेत चमकदार कामगिरी केली होती. या आयसीसी स्पर्धेत तो भारताचा महत्त्वाचा गोलंदाज ठरला. अर्शदीप सिंग पॉवरप्ले आणि डेथ ओव्हर्समध्ये भेदक गोलंदाजीसाठी ओळखला जातो.

Rashid Khan becomes highest T20 wicket taker breaks Dwayne Bravos record
Rashid Khan: रशीद खानचा वर्ल्ड रेकॉर्ड, टी-२० क्रिकेटच्या इतिहासात ‘ही’ कामगिरी करणारा जगातील पहिला खेळाडू
mh370 search operation malaysian airlines
Malasian Airlines: बेपत्ता MH370 चा शोध; पुण्यातील प्रल्हाद…
IND vs ENG Gautam Gambhir played a master stroke as Harshit Rana to beat England Pune T20I match
IND vs ENG : गौतम गंभीरच्या मास्टर स्ट्रोकमुळे भारताने मारली बाजी! ‘हा’ निर्णय ठरला सामन्याचा टर्निंग पॉइंट
India vs England 4th T20 Highlights in Marathi
India vs England 4th T20I Highlights: हर्षित राणाच्या भेदक गोलंदाजीच्या जोरावर भारताने घडवला इतिहास, सलग पाचव्या टी-२० मालिकेत इंग्लडला चारली धूळ
Shardul Thakur take hat trick against Meghalaya for Mumba in Ranji Trophy 2025 match
Ranji Trophy 2025 : शार्दुल ठाकुरच्या भेदक गोलंदाजीसमोर मेघालयने टेकले गुडघे! नोंदवला रणजी ट्रॉफी इतिहासातील लाजिरवाणा विक्रम
ICC T20 latest rankings announce Tilak Varma big jump in his T20 career batting rankings
ICC T20 Rankings : तिलक वर्माची ICC टी-२० क्रमवारीत मोठी झेप! कारकीर्दीत पहिल्यांदाच पटकावले ‘हे’ स्थान
Smriti Mandhana Announced as ICC Womens ODI Cricketer of The Year Who is Leading Run Scorer in 2024
ICC Women’s ODI Cricketer of The Year: स्मृती मानधना ठरली सर्वाेत्कृष्ट वनडे क्रिकेटपटू २०२४, नॅशनल क्रशने मोडला होता वर्ल्ड रेकॉर्ड
ICC Announces T20 Team of The Year 2024 Indias Rohit Sharma Named Captain of Squad
ICC T20I Team of The Year: ICC ने जाहीर केला सर्वाेत्कृष्ट टी-२० संघ २०२४, रोहित शर्मा कर्णधार; भारताच्या चार खेळाडूंना मिळाली संधी

गेल्या काही वर्षांत युवा वेगवान गोलंदाज अर्शदीप सिंग हा टी-२० फॉरमॅटमध्ये टीम इंडियाचा सर्वात महत्त्वाचा गोलंदाज ठरला आहे. २०२४ मध्येही तो भारताचा टी-२० मध्ये सर्वाधिक विकेट घेणारा गोलंदाज आहे. त्याने गेल्या वर्षी टीम इंडियासाठी १८ टी-२० सामने खेळले आणि एकूण ३६ विकेट घेतल्या. अर्शदीप सिंगला आयसीसीने नुकत्याच जाहीर केलेल्या T20I टीम ऑफ द इयर २०२४ मध्ये स्थान मिळाले आहे.

दुसरीकडे १७ वर्षांनंतर भारताला टी-२० विश्वचषक जिंकून देण्यात अर्शदीप सिंगनेही महत्त्वाची भूमिका बजावली. २०२४ च्या टी-२० विश्वचषकात सर्वाधिक विकेट घेणारा तो भारतीय गोलंदाज होता. त्याने या स्पर्धेत एकूण १७ विकेट घेतल्या. अंतिम सामन्यातही अर्शदीप सिंगने ४ षटकांत २० धावा देत २ विकेटही घेतले, त्यात १९व्या षटकात त्याने केवळ ४ धावा दिल्या. हे षटक भारताच्या वर्ल्डकप विजयात महत्त्वाची भूमिका बजावणारं ठरलं.

अर्शदीप सिंगचे आंतरराष्ट्रीय क्रिकेटमध्ये पदार्पण नोव्हेंबर २०२२ मध्ये झाले होते. त्याने अवघ्या २ वर्षात टी-२० क्रिकेटमध्ये भारतासाठी सर्वाधिक विकेट घेण्याचा विक्रमही केला आहे. त्याने टीम इंडियासाठी टी-२० मध्ये आतापर्यंत ९७ विकेट घेतल्या आहेत. त्याच्या तुलनेत कोणत्याही भारतीय गोलंदाजाला हा टप्पा गाठता आलेला नाही. यापूर्वी हा विक्रम युझवेंद्र चहलच्या नावावर होता. युजवेंद्र चहलने टी-२० मध्ये टीम इंडियासाठी ९६ विकेट घेतल्या आहेत. पण अर्शदीपने इंग्लंडविरुद्धच्या टी-२० मालिकेतील पहिल्या सामन्यात त्याला मागे टाकत नवा इतिहास घडवला.

Story img Loader