Asia Cup Cricket Tournament Indian Women Team Winning Start ysh 95 | Loksatta

आशिया चषक क्रिकेट स्पर्धा : भारतीय महिला संघाचा विजयी प्रारंभ; श्रीलंकेवर ४१ धावांनी मात; जेमिमाची अर्धशतकी खेळी

जेमिमा रॉड्रिग्जच्या (५३ चेंडूंत ७६ धावा) अर्धशतकी खेळीनंतर गोलंदाजांनी केलेल्या भरीव कामगिरीच्या बळावर भारतीय महिला संघाने आशिया चषक ट्वेन्टी-२० क्रिकेट स्पर्धेतील पहिल्या लढतीत श्रीलंकेवर ४१ धावांनी विजय मिळवला.

आशिया चषक क्रिकेट स्पर्धा : भारतीय महिला संघाचा विजयी प्रारंभ; श्रीलंकेवर ४१ धावांनी मात; जेमिमाची अर्धशतकी खेळी
सामनावीर : जेमिमा रॉड्रिग्ज

पीटीआय, सिल्हेट (बांगलादेश) : जेमिमा रॉड्रिग्जच्या (५३ चेंडूंत ७६ धावा) अर्धशतकी खेळीनंतर गोलंदाजांनी केलेल्या भरीव कामगिरीच्या बळावर भारतीय महिला संघाने आशिया चषक ट्वेन्टी-२० क्रिकेट स्पर्धेतील पहिल्या लढतीत श्रीलंकेवर ४१ धावांनी विजय मिळवला. भारताने दिलेल्या १५१ धावसंख्येचा पाठलाग करताना श्रीलंकेची सुरुवात चांगली झाली नाही. कर्णधार चमारी अटापट्टू (५) आणि मालशा शेहानी (९) लवकर बाद झाल्या. सलामीवीर हर्षित समरविक्रमाने (२६) संघाच्या धावसंख्येत भर घातली. मात्र, तिलाही मोठी खेळी करता आली नाही. यानंतर हसिनी पेरेरा (३० धावा) वगळता इतर श्रीलंकन फलंदाजांचा भारतीय गोलंदाजीसमोर निभाव लागला नाही. अखेर श्रीलंकेचा डाव १८.२ षटकांत १०९ धावांवर आटोपला. भारताकडून दयालन हेमलता (१५ धावांत ३ बळी), दीप्ती शर्मा (१५ धावांत २ बळी) आणि पूजा वस्त्रकार (१२ धावांत २ बळी) यांनी प्रभावी मारा केला.

त्यापूर्वी, प्रथम फलंदाजीला उतरलेल्या भारताचीही सुरुवात अडखळती झाली. सलामीवीर शफाली वर्मा (१०) आणि स्मृती मानधना (६) लवकर माघारी परतल्याने भारतीय संघ अडचणीत होता. यानंतर दुखापतीतून पुनरागमन करणाऱ्या जेमिमाने संघाचा डाव सावरला. तिने कर्णधार हरमनप्रीत कौरच्या साथीने (३० चेंडूंत ३३ धावा) तिसऱ्या गडय़ासाठी ९२ धावांची निर्णायक भागीदारी रचत भारताला सुस्थितीत पोहोचवले. हरमनप्रीत बाद झाल्यानंतरही जेमिमाने आक्रमक फलंदाजी सुरू ठेवली. जेमिमाने आपल्या खेळीत ७६ धावांच्या खेळीत ११ चौकार व एक षटकार लगावला. त्यामुळे भारताला २० षटकांत ६ बाद १५० अशी धावसंख्या उभारता आली. श्रीलंकेकडून ओशादी रणसिंघेने (३/३२) गोलंदाजीत चमक दाखवली.

संक्षिप्त धावफलक

भारत : २० षटकांत ६ बाद १५० (जेमिमा रॉड्रिग्ज ७६, हरमनप्रीत कौर ३३; ओशादी रणसिंघे ३/३२) विजयी वि. श्रीलंका : १८.२ षटकांत सर्वबाद १०९ (हसिनी पेरेरा ३०, हर्षिता समरविक्रमा २६; दयालन हेमलता ३/१५, पूजा वस्त्रकार २/१२)

सामनावीर : जेमिमा रॉड्रिग्ज

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
राष्ट्रीय क्रीडा स्पर्धा : ऐश्वर्या मिश्राची विक्रमासह सुवर्णकमाई

संबंधित बातम्या

सर्वांना विस्मयचकित करत राहुल द्रविडने आईच्या पुस्तक प्रकाशन सोहळ्याला लावली हजेरी
IND vs NZ 2nd ODI: सामना न खेळताच संजू सॅमसनने जिंकली चाहत्यांची मने, पाहा व्हिडिओ
ऑस्ट्रेलियन क्रिकेट संघाचे माजी प्रशिक्षक जस्टीन लँगर यांनी संघावर केला खळबळजनक आरोप
IND vs NZ ODI Series: न्यूझीलंडविरुद्धची एकदिवसीय मालिका तुम्हाला या चॅनलवर live पाहता येणार तेही अगदी निशुल्क
FIFA WC 2022: करो या मरो! जर्मनी, क्रोएशियासाठी आजच्या सामन्यात विजय आवश्यक अन्यथा स्पर्धेतून बाहेर पडण्याची भीती

व्हिडिओ

ताज्या बातम्या
“छोटे पप्पू महाराष्ट्र सोडून…”, नवनीत राणांची आदित्य ठाकरेंवर खोचक टीका; उद्धव ठाकरेंवरही साधलं शरसंधान!
Video: काजोलबरोबर रोमान्स करणाऱ्या मराठमोळ्या गश्मीर महाजनीची सर्वत्र चर्चा; नेटकरी म्हणाले, “शाहरुखपेक्षा…”
Smartphone Tips and Tricks: तुम्हालाही स्मार्टफोनमध्ये खाजगी फोटो, व्हिडीओ लपवायचे आहे? ‘या’ सोप्या पद्धतीने तयार करा ‘हिडन फोल्डर’
FIFA World Cup 2022; इंग्लंड-वेल्सचे चाहते एकमेकांसोबत भिडले; खुर्च्या आणि लाथांनी केली मारहाण, पाहा व्हिडिओ
“मन भरलं म्हणून…” घटस्फोटाच्या चर्चांवरुन ट्रोल करणाऱ्यांना मानसी नाईकचे सडेतोड उत्तर