स्पर्धेत एकूण सात पदकांची कमाई ढाका : भारतीय तिरंदाज बलाढ्य कोरियाचा अडथळा ओलांडण्यात पुन्हा अपयशी ठरले. आशियाई तिरंदाजी र्अंजक्यपद स्पर्धेच्या पुरुष आणि महिला सांघिक गटाचे अंतिम सामने शुक्रवारी गमावल्यामुळे दोन रौप्यपदकांवर समाधान मानावे लागले. पुरुष रीकर्व्ह सांघिक गटात कपिल, प्रवीण जाधव आणि पार्थ साळुंखे यांनी कोरियाविरुद्ध २-६ अशी हार पत्करली. कोरियाच्या संघात ली सेऊंगयुन, किम पिल-जूंग आणि हॅन वू टॅक यांचा समावेश आहे. अंकिता भाकट, मधून वेदवान आणि रिद्धी यांचा समावेश असलेल्या महिला रीकर्व्ह संघाने कोरियापुढे ०-६ अशी शरणागती पत्करली. कोरियाच्या संघात रायू सू जंग, ओ येजिन आणि लिम हाईजिन यांचा समावेश होता.
