उलानबाटार (मंगोलिया) : सरिता मोर आणि सुषमा शोकीन यांनी आशियाई कुस्ती अजिंक्यपद स्पर्धेत गुरुवारी कांस्यपदके कमावली.५९ किलो वजनी गटात सरिताने दोन पराभवांनंतर उझबेकिस्तानच्या दिलफुझा एम्बेटोव्हावर तांत्रिक गुणाधिक्याच्या बळावर मात केली, तर डायना कायुमोव्हाला ५-२ असे हरवले. याचप्रमाणे ५५ किलो गटात सुषमाने कझाकस्तानच्या अलटायन शेगायेव्हावर ५-० असा शानदार विजय मिळवला, तर उझबेकिस्तानच्या सार्बिनाझ जीनबाईव्हाला चीतपट केले.
