Australia vs Bangladesh 1st Test: बांगलादेशने करून दाखवलं.. नजमुल हुसेन शांतोच्या नेतृत्वाखाली खेळताना बांगलादेशने ऑस्ट्रेलियाला ऑस्ट्रेलियात जाऊन पराभूत केलं आहे. डार्विनच्या मैदानावर पार पडलेल्या सामन्यात सुरुवातीपासूनच बांगलादेशचा दबदबा पाहायला मिळाला. दोन्ही डावात फलंदाजी करताना ऑस्ट्रेलियाच्या फलंदाजांचा फ्लॉप शो पाहायला मिळाला. बांगलादेशला हा सामना जिंकण्यासाठी अवघ्या ५७ धावा करायच्या होत्या. या आव्हानाचा पाठलाग करताना बांगलादेशने ९ गडी राखून विजय मिळवला. यासह बांगलादेशने ऑस्ट्रेलियात ऑस्ट्रेलियाला पराभूत करून पहिल्यांदाच ऐतिहासिक विजयाची नोंद केली आहे.
हा विजय बांगलादेशसाठी ऐतिहासिक आहे. कारण, बांगलादेशने ऑस्ट्रेलियात खेळताना एकही कसोटी सामना जिंकला नव्हता. हा ऑस्ट्रेलियात ऑस्ट्रेलियाविरुद्ध खेळताना पहिलाच कसोटी विजय आहे. दोन्ही संघ आतापर्यंत ६ कसोटी सामने खेळण्यासाठी आमनेसामने आले होते. यादरम्यान ऑस्ट्रेलियाने ५ विजय मिळवले होते. तर बांगलादेशने एकमेव कसोटी सामना जिंकला होता. पण हा विजय बांगलादेशमध्ये खेळताना मिळवला होता. आता बांगलादेशने ऑस्ट्रेलियाविरुद्ध खेळताना मिळवलेला दुसरा कसोटी विजय हा ऑस्ट्रेलियात मिळवला आहे.
ऑस्ट्रेलियाचा फ्लॉप शो
या संपूर्ण सामन्यात ऑस्ट्रेलियाचा फ्लॉप शो पाहायला मिळाला. या सामन्यात ऑस्ट्रेलियाचा कर्णधार पॅट कमिन्सने नाणेफेक जिंकून प्रथम फलंदाजी करण्याचा निर्णय घेतला होता. पण हा निर्णय पूर्णपणे फसला. कारण, ऑस्ट्रेलियाचा पहिला डाव अवघ्या १९८ धावांवर आटोपला. या डावात स्मिथने जर अर्धशतक झळकावलं नसतं, तर ऑस्ट्रेलियाचा डाव आणखी स्वस्तात आटोपला असता. या धावांचा पाठलाग करण्यासाठी आलेल्या बांगलादेशकडून तन्झीद हसनने दमदार शतकी खेळी केली. तर आणखी २ फलंदाजांनी अर्धशतकं झळकावली. या खेळीच्या बळावर बांगलादेशने पहिल्या डावात फलंदाजी करताना ४२६ धावांचा डोंगर उभारला आणि पहिल्या डावात मोठी आघाडी घेतली.
बांगलादेशचा ऐतिहासिक विजय
ऑस्ट्रेलियाचा पहिला डाव स्वस्तात आटोपल्यानंतर दुसऱ्या डावातही ऑस्ट्रेलियन फलंदाजांचा फ्लॉप शो पाहायला मिळाला. दुसऱ्या डावातही बांगलादेशच्या गोलंदाजांनी ऑस्ट्रेलियाच्या गोलंदाजांना अडचणीत आणलं. दुसऱ्या डावात फलंदाजी करताना कॅमरुन ग्रीनने शतक झळकावलं. त्यामुळे ऑस्ट्रेलियाचा एका डावाने पराभव टळला. ऑस्ट्रेलियाने दुसऱ्या डावात अवघ्या ५६ धावांची आघाडी घेऊन बांगलादेशसमोर विजयासाठी अवघ्या ५७ धावांचं आव्हान ठेवलं. यासह हा सामना ९ गडी राखून आपल्या नावे केला. हा विजय बांगलादेशसाठी ऐतिहासिक आहे. कारण हा बांगलादेशचा ऑस्ट्रेलियातील पहिला कसोटी विजय आहे. पाकिस्तानला गेल्या ३१ वर्षांत, दक्षिण आफ्रिकेला गेल्या १० वर्षांत आणि न्यूझीलंडला गेल्या १५ वर्षांत ऑस्ट्रेलियात खेळताना कसोटी सामना जिंकता आलेला नाही.
