जागतिक क्रमवारीत पहिल्या क्रमांकावर असलेला भारताचा कुस्तीपटू बजरंग पुनिया विवाहबंधनात अडकणार आहे. महिला कुस्तीमध्ये भारताचं नाव जागतिक पातळीवर नेणाऱ्या फोगट भगिनींपैकी संगिता फोगटशी बजरंगचं लग्न ठरलं आहे. दोन्ही परिवारांमधल्या लोकांनी प्रसारमाध्यमांना माहिती दिली. २०२० साली टोकियो ऑलिम्पिकनंतर विवाहसोहळा पार पडला जाईल. बजरंग भारताकडून ६५ किलो वजनी गटात खेळतो. तर संगिता राष्ट्रीय पातळीवर ५९ किलो वजनी गटात खेळते. आपण आपल्या मुलीच्या इच्छेबाहेर नाही असं म्हणत संगिताचे वडील महावीर सिंह फोगट यांनी संगिता आणि बजरंगच्या लग्नाला पाठींबा दिला आहे.
