झिम्बाब्वे दौऱ्यासाठी बांगर मुख्य प्रशिक्षक

अरुण आणि श्रीधर यांना स्थान नाही

अरुण आणि श्रीधर यांना स्थान नाही
भारताचे आणि रेल्वेचे माजी अष्टपैलू खेळाडू संजय बांगर यांच्याकडे आगामी झिम्बाब्वे दौऱ्यासाठी मुख्य प्रशिक्षकपदाची जबाबदारी सोपवण्यात आली आहे. मात्र सहयोगी मार्गदर्शकांच्या फळीत भरत अरुण आणि आर. श्रीधर यांना स्थान देण्यात आले नाही.
झिम्बाब्वे दौऱ्यासाठी महेंद्रसिंग धोनीच्या नेतृत्वाखाली भारताची संघनिवड करताना निवड समितीने नवख्या खेळाडूंना विशेष प्राधान्य दिले आहे. ११ जूनपासून सुरू होणाऱ्या या दौऱ्यात तीन ट्वेन्टी-२० आणि तीन एकदिवसीय सामन्यांचा समावेश आहे.
झिम्बाब्वे दौऱ्यासाठी बांगर भारताचे मुख्य प्रशिक्षक म्हणून जबाबदारी सांभाळतील, अशी माहिती भारतीय क्रिकेट नियामक मंडळाचे सचिव अजय शिर्के यांनी दिली. श्रीधर यांच्या जागी माजी प्रथम श्रेणी क्रिकेटपटू अभय शर्मा यांना क्षेत्ररक्षण प्रशिक्षक नेमले आहे. याचप्रमाणे आंध्र प्रदेश क्रिकेट असोसिएशनचे माजी क्रिकेटपटू कोका रमेश यांची प्रशासकीय व्यवस्थापक म्हणून नियुक्ती करण्यात आली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bangar named india coach for zimbabwe tour

Next Story
सचिन संपलेला नाही!
ताज्या बातम्या