scorecardresearch

Premium

आंतरविद्यापीठ बास्केटबॉल स्पर्धेत भारती विद्यापीठास विजेतेपद

उत्कंठापूर्ण लढतीत भारती विद्यापीठ संघाने मुलांच्या पश्चिम विभागीय आंतरविद्यापीठ बास्केटबॉल स्पर्धेत अजिंक्यपद पटकाविले.

उत्कंठापूर्ण लढतीत भारती विद्यापीठ संघाने मुलांच्या पश्चिम विभागीय आंतरविद्यापीठ बास्केटबॉल स्पर्धेत अजिंक्यपद पटकाविले. त्यांनी राजस्तान विद्यापीठ (जयपूर) संघावर ७८-६० अशी मात केली.
भारती विद्यापीठ (धनकवडी) येथे झालेल्या या स्पर्धेतील अंतिम सामना विलक्षण रंगतदार झाला. दोनही संघांमधील खेळाडूंनी आक्रमक खेळ केला. पूर्वार्धात भारती विद्यापीठ संघाने ३५-३० अशी आघाडी मिळविली होती. शेवटपर्यंत त्यांनी आघाडी कायम ठेवीत विजेतेपदावर मोहोर नोंदविली. त्याचे श्रेय अक्षय भोसले व कपील गायकवाड यांच्या वेगवान खेळास द्यावे लागेल. जयपूर संघाच्या शरद दड्डिका व दशरथसिंह यांचे प्रयत्न अपुरे राहिले.
सावित्रीबाई फुले पुणे विद्यापीठ संघाने तिसरे स्थान मिळविले. त्यांनी कोल्हापूरच्या शिवाजी विद्यापीठाचा ७९-७६ असा रोमहर्षक लढतीत पराभव केला. पूर्वार्धात त्यांनी ३२-२९ अशी निसटती आघाडी घेतली होती. हीच आघाडी त्यांच्यासाठी निर्णायक ठरली. पुणे संघाच्या राहुलसिंग व नितीन चोपडे यांनी कौतुकास्पद कामगिरी केली. कोल्हापूरच्या अर्शदखान याची लढत एकाकी ठरली. पारितोषिक वितरण समारंभ भारतीय विद्यापीठ महासंघाचे सहसचिव डॉ.गुरुदीपसिंग यांच्या हस्ते झाला. या वेळी भारती विद्यापीठाचे कुलगुरू डॉ.शिवाजीराव कदम अध्यक्षस्थानी होते.

volleyball tournament starting in boisar
बोईसर मध्ये सोमवार पासून सुरू होणाऱ्या व्हॉलीबॉल स्पर्धेचे खास आकर्षण…
National Award to Gondwana University
गोंडवाना विद्यापीठाला राष्ट्रीय पुरस्कार; राष्ट्रपतींच्या हस्ते गडचिरोलीचा सन्मान
blind youth cricket team won the state trophy
अकोल्यातील अंध युवकांच्या क्रिकेट संघाची कमाल; राज्यस्तरीय चषकावर कोरले नाव
Vidarbha level singing competition wardha
वर्धा : स्वरवैदर्भी ! मयूर पटाईत अव्वल, मेघे अभिमत विद्यापीठाची विदर्भस्तरिय गीतगायन स्पर्धा

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bharati vidyapeeth win university basketball championship

First published on: 17-12-2014 at 01:34 IST

संबंधित बातम्या

मराठी कथा ×