पाच वर्ल्डकपविजेत्या ब्राझीलला यंदाच्या फुटबॉल वर्ल्डकपमधून गाशा गुंडाळावा लागला. अर्लिंग हालंडच्या दमदार गोलच्या बळावर नॉर्वेने राऊंड ऑफ १६च्या लढतीत ब्राझीलवर २-१ असा विजय मिळवला. अर्लिंग हालंड दमदार फॉर्मात असल्यामुळे ब्राझीलने त्याला रोखण्यासाठी डावपेच आखले होते. चेंडू हालंडच्या ताब्यात जाणार नाही याची दक्षता ब्राझीलने घेतली. मात्र ७९व्या मिनिटाला हालंडने शिताफीने गोल करत नॉर्वेची बाजू पक्की केली. सामना संपायला काही क्षण बाकी असताना हालंडनेच आणखी एक गोल करत नॉर्वेच्या संस्मरणीय विजयावर शिक्कामोर्तब केलं. ६७व्या मिनिटाला नेमारने गोल करत ब्राझीलला बरोबरीची संधी मिळवून दिली. मात्र हालंडने ब्राझीलच्या घरवापसीवर शिक्कामोर्तब केलं. हालंडच्या बरोबरीने नॉर्वेचा गोलकीपर ओर्जन नायलंड हा विजयाचा शिल्पकार ठरला. १९९० नंतर पहिल्यांदाच ब्राझीलचा संघ क्वार्टरफायनलच्याही आधी स्पर्धेतून बाहेर पडला आहे.
सामन्याच्या १४व्या मिनिटाला नॉर्वेचा डिफेंडर क्रिस्तोफर आयेरने ब्राझीलच्या कुन्हासला धक्का मारला. ब्राझीलला पेनल्टी मिळाली. व्हिनिसियर ज्युनिअरने स्वत:पेनल्टी न घेता ब्रुनो गिमारेसला संधी दिली. मात्र गिमारेसचा गोल प्रयत्न नॉर्वेचा गोलकीपर नायलंडने हाणून पाडला. ही चूक ब्राझीलला चांगलीच महागात पडली. ६७व्या मिनिटाला नेमारने इंज्युरी टाईममध्ये मिळालेल्या पेनल्टीचं गोलमध्ये रुपांतर केलं. पण अर्लिंग हालंडसमोर ब्राझीलचा संघ निष्प्रभ ठरला.
नॉर्वे आणि ब्राझील यांच्यात वर्ल्डकप स्पर्धेत पाच लढती झाल्या होत्या. चार सामन्यांपैकी दोन नॉर्वेने जिंकले होते तर दोनमध्ये बरोबरी झाली होती. १९९८ वर्ल्डकपमध्ये नॉर्वेने ब्राझीलला दणका दिला होता.
