Breaking! Jasprit Bumrah out of the upcoming T20 World Cup, big blow to Rohit Sene avw 92 | Loksatta

Jasprit Bumrah: ब्रेकिंग! आगामी टी२० विश्वचषकातून जसप्रीत बुमराह बाहेर, रोहित सेनेला मोठा धक्का

Jasprit Bumrah ruled out of T20 World Cup 2022: आगामी टी२० विश्वचषकातून जसप्रीत बुमराह बाहेर, भारतासाठी चिंतेची बाब आहे.

Jasprit Bumrah: ब्रेकिंग! आगामी टी२० विश्वचषकातून जसप्रीत बुमराह बाहेर, रोहित सेनेला मोठा धक्का
संग्रहित छायाचित्र (एक्सप्रेस)- Jasprit Bumrah ruled out of T20 World Cup 2022

Jasprit Bumrah Breaking News: भारतीय क्रिकेट संघाला टी२० विश्वचषका आधी खूप मोठा झटका बसला आहे. संघातील प्रमुख जलद गोलंदाज जसप्रीत बुमराह दुखापतीमुळे संघातून बाहेर झाला आहे. आगामी टी२० विश्वचषकाच्या दृष्टीने भारतीय संघ तयारी करत आहे. सध्या भारतीय संघ दक्षिण आफ्रिकेविरोधात टी२० मालिका खेळत आहे. मात्र, त्याआधीच भारतीय संघाला हादरा देणारी एक माहिती समोर येत आहे. बीसीसीआयच्या खात्रीशीर सुत्रांनुसार भारतीय संघाचा हुकमी गोलंदाज जसप्रीत बुमराह हा पाठीच्या दुखण्यामुळे विश्वचषकच काय तर पुढचे पाच ते सहा आठवडे खेळू शकणार नाही. अगोदर रविंद्र जडेजा आणि आता जसप्रित बुमराह या दोन्ही महत्वाच्या खेळाडूंच्या अनुपस्थितीत भारतीय संघासाठी विश्वचषक जिंकणे आता निश्चितच सोपे नसणार आहे.

पुढील महिन्यात १६ तारखेपासून ऑस्ट्रेलियात टी२० विश्वचषक सुरू होत आहे. ही स्पर्धा तोंडावर आली असताना भारतीय संघासाठी वाईट बातमी समोर आली आहे. दुखापतीमुळे आशिया चषकमध्ये बुमराह खेळला नव्हता. तर त्यानंतर ऑस्ट्रेलियाविरुद्धच्या मालिकेत त्याने कमबॅक केले होते.बुमराहने २५ सप्टेंबर रोजी ऑस्ट्रेलियाविरुद्ध अखेरची टी२० सामना खेळला होता. त्या सामन्यात बुमराहने ४ षटकात ५० धावा दिल्या होत्या. टी२० मधील ही त्याची सर्वात वाईट कामगिरी होती.

दरम्यान, कर्णधार रोहित शर्माच्या कर्णधारपदाच्या कालावधीतच खेळाडूंना दुखापत कशी होते असा मिश्किल प्रश्न चाहते विचारत आहेत. आगामी महिन्यात ऑस्ट्रेलियाच्या धरतीवर टी२० विश्वचषकाचा थरार रंगणार आहे. तर सततच्या विश्रांतीमुळेच खेळाडूंचा फॉर्म जात असल्याचे अनेक दिग्गज म्हणत आहेत. अशा परिस्थितीत बुमराहची दुखापत भारतीय संघाची डोकेदुखी वाढवणारी आहे. यावरूनच चाहत्यांनी बीसीसीआय आणि कर्णधार रोहित शर्माबाबत प्रश्न उपस्थित केले आहेत.

बीसीसीआयचे वैद्यकीय पथक त्याच्या सोबत आहे. निवड समिती त्याच्या जागी अन्य खेळाडूची टी२० विश्वचषक संघात निवड करण्याची शक्यता आहे. टी२० विश्वचषकाच्या आधी भारतीय संघाला बसलेला हा दुसरा मोठा धक्का आहे. याआधी अष्टपैलू रविंद्र जडेजा देखील दुखापतीमुळे संघाबाहेर झाला होता.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
IND vs SA: रोहितचे चाहते म्हणजे एक नंबर! सुरक्षा बंदोबस्त तोडत थेट धरले पाय

संबंधित बातम्या

‘तो’ झेल सुटला अन् भारताचा खेल खल्लास, भर मैदानातच कर्णधार रोहित शर्मा भडकला, Video होतोय तुफान Viral
IND vs BAN 1st ODI: थरारक सामन्यात बांगलादेशचा भारतावर एक गडी राखून विजय; केएल राहुलचे अर्धशतक व्यर्थ
IND vs BAN 1st ODI: हवेत सूर मारत लिटन दासने घेतला अफलातून झेल, विराट कोहलीही झाला अवाक्
IND vs BAN 1st ODI: बांगलादेशकडून टीम इंडियाचा मानहानीकारक पराभव चाहत्यांकडून कठोर शब्दात टीका
IND vs BAN 1st ODI: मेहदी हसनचा सोडलेला झेल सामन्यातील ठरला टर्निंग पॉइंट, केएल राहुल सोशल मीडियावर ट्रोल

व्हिडिओ

ताज्या बातम्या
‘बिग बॉस’ मराठीच्या घरातून ‘हे’ वाईल्ड कार्ड स्पर्धक बाहेर; नेमकं कारण काय?
‘छत्रपती शिवाजी महाराजांबाबतची चुकीची विधाने खपवून घेतली जाणार नाहीत’; खासदार श्रीकांत शिंदे यांचा इशारा
FIFA WC 2022: किलर किलियन! फ्रान्सची नवव्यांदा विश्वचषकाच्या उपांत्यपूर्व फेरीत धडक, पोलंडची झुंज अपयशी
‘ज्यांना इतिहास माहिती नाही त्यांनी यामध्ये पडू नये’; राज्यपालांनी शिवरायांबाबत केलेल्या विधानावरुन श्रीकांत शिंदे आक्रमक
मुख्यमंत्री आणि उपमुख्यमंत्र्यांनी ‘समृद्धी महामार्गावरून’ एकत्र प्रवास केलेली गाडी कोणाची? काँग्रेसचा खळबळजनक आरोप; म्हणाले…