IND vs PAK: पुन्हा एकदा रंगणार भारत- पाकिस्तान सामना? कसं असेल समीकरण?

आशिया चषक २०२५ स्पर्धेत झालेल्या सामन्यात भारत आणि पाकिस्तान हे दोन्ही संघ ३ वेळा आमनेसामने आले होते. या सामन्यातील तिन्ही सामन्यांमध्ये भारतीय संघाने बाजी मारली होती. टी -२० वर्ल्डकप स्पर्धेतही भारत – पाकिस्तान संघ पुन्हा एकदा आमनेसामने येऊ शकतात.

भारत – पाकिस्तान संघ पुन्हा एकदा आमनेसामने येणार?

साखळी फेरीत भारत – पाकिस्तान सामना पाहायला मिळाला होता. आता सुपर ८ फेरीतील सामन्यांना सुरुवात होणार आहे. या सामन्यांचं वेळापत्रक आता समोर आलं आहे. ज्यात भारत – पाकिस्तानचा समावेश नसल्याचं दिसून येत आहे. यामागचं कारण असं की, सुपर ८ फेरीत प्रवेश करणारे संघ आपल्या विरोधी गटातील संघांचा सामना करतात. भारत – पाकिस्तान हे दोन्ही संघ एकाच गटात असल्याने आमनेसामने येणार नाहीत. पण दोन्ही संघ सेमीफायनलमध्ये पुन्हा एकदा आमनेसामने येऊ शकतात.

कसं असेल समीकरण?

जर सेमीफायनलमध्ये भारत – पाकिस्तान सामना पाहायचा असेल तर, भारताने आपल्या गटातून अव्वल स्थानी राहायला हवं. तर पाकिस्तानचा संघ गुणतालिकेत दुसऱ्या स्थानी असायला हवं. असं झाल्यास दोन्ही संघ सेमी फायनलमध्ये आमनेसामने येऊ शकतात. सुपर ८ फेरीत ८ संघांना २ गटात विभागलं जातं. दोन्ही गटातील संघ आपल्या गटातील संघाचा सामना करतात. भारतीय संघ पहिल्या गटात आहे. तर पाकिस्तानचा संघ दुसऱ्या गटात आहे.