भारतीय संघातील सर्वात यशस्वी कर्णधारांपैकी एक महेंद्रसिंग धोनीने शनिवारी सोशल माध्यमांवर एका पोस्टद्वारे सांगितले होते की, तो आज म्हणजेच रविवारी एक मोठी घोषणा करणार आहे. धोनीने चेन्नई सुपर किंग्जमधून निवृत्तीची घोषणा करणार असल्याचे सोशल माध्यमांवरील चाहत्यांच्या वक्तव्यानंतर अफवा पसरल्या होत्या, पण धोनीच्या लाइव्ह आल्यानंतर ही अफवा खोटी ठरली आहे. कारण धोनीने असा कोणताही निर्णय घेतलेला नाही. त्यामुळे चाहत्यांनी सुटकेचा निश्वास सोडला.

या बातमीसह सर्व प्रीमियम कंटेंट वाचण्यासाठी साइन-इन करा

रविवारी दुपारी दोन वाजता थेट लाइव्ह येणार असल्याचे त्यांनी सांगितले होते. माजी कर्णधार लाइव्ह आणि त्याच्या चाहत्यांच्या संख्येवरून तुम्ही अंदाज लावू शकता की जेव्हा धोनी लाइव्ह आला तेव्हा लाखो लोक त्याला फेसबुकवर पाहत होते. बिस्किट कंपनी ओरियाच्या भारतातल्या पहिल्या लॉन्चसाठी धोनी आला होता. याआधी धोनी आणि त्याची मुलगी झिवा यांनीही या कंपनीच्या जाहिराती केल्या आहेत. त्याच्या बाबतीत सांगायचे झाल्यास एमएस धोनी १५ ऑगस्ट २०२० रोजी आंतरराष्ट्रीय क्रिकेटमधून निवृत्त झाला, तरीही तो अजूनही फ्रँचायझी क्रिकेट खेळत आहे आणि आयपीएलच्या सर्वात यशस्वी संघांपैकी एक चेन्नई सुपर किंग्सचा कर्णधार आहे.

धोनी म्हणतो की, हे बिस्किट २०११ मध्ये भारतात आले तेव्हा टीम इंडियाने विश्वचषक जिंकला. आता पुन्हा एकदा ओरियो भारतात लाँच होत आहे, त्यामुळे या वेळेचा टी२० विश्वचषकही आपणच जिंकणार आहे. धोनीने केसांची रचना तशीच ठेवली आहे, तो विनोद असला तरी धोनीने आंतरराष्ट्रीय क्रिकेटमधून निवृत्ती घेतली तेव्हा कोणतीही पत्रकार परिषद घेतली नव्हती.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Captain cools special plan for indias world cup win will repeat history avw
First published on: 25-09-2022 at 15:48 IST