CWG 2026 Day 8 India medal tally and winners list update: राष्ट्रकुल क्रीडा स्पर्धा २०२६मधील आठवा दिवस भारतासाठी पदकं आणि उल्लेखनीय कामगिरींनी भरलेला ठरला. वेटलिफ्टिंग आणि ॲथलेटिक्स प्रकारांत भारतीय खेळाडूंनी उत्कृष्ट कामगिरी करत भारताची एकूण पदकांची संख्या १७ वर पोहोचवली. मात्र, पदक तालिकेत भारताची घसरण झाली आहे; ३ सुवर्ण, १० रौप्य आणि ४ कांस्य पदकांसह भारत सध्या १० व्या स्थानावर आहे, तर सातव्या दिवसानंतर भारत ८व्या स्थानावर होता.
राष्ट्रकुल क्रीडा स्पर्धेत भारताच्या पदकांची एकूण संख्या १७ वर पोहोचली असली, तरी पदक तालिकेत भारत १० व्या स्थानावर घसरला आहे. आतापर्यंत भारताने ३ सुवर्ण, १० रौप्य आणि ४ कांस्य पदकं जिंकली आहेत. ग्लासगो येथे सुरू असलेल्या या स्पर्धेत ऑस्ट्रेलियाचं वर्चस्व कायम असून, ५१ सुवर्ण, २४ रौप्य आणि ३५ कांस्य पदकांसह ते अव्वल स्थानावर आहेत. १५ सुवर्ण, ३० रौप्य आणि २० कांस्य अशा एकूण ६५ पदकांसह इंग्लंड दुसऱ्या स्थानावर आहे, तर ४५ पदकं जिंकून कॅनडा तिसऱ्या स्थानावर आहे.
आठव्या दिवशी भारतीय वेटलिफ्टर लवप्रीत सिंगने उत्कृष्ट कामगिरी करत पुरुषांच्या हेवीवेट गटात रौप्य पदक जिंकलं आणि त्याच वेळी राष्ट्रकुल क्रीडा स्पर्धेचा नवा विक्रमही प्रस्थापित केला. दरम्यान, ॲथलेटिक्स ट्रॅकवर सीमा कालीरामना हिने महिलांच्या डिस्कस थ्रो (थाळी फेक) प्रकारात शानदार कामगिरी करून भारतासाठी कांस्य पदक मिळवून दिलं. पण तरीही पदक तालिकेत भारताची दोन स्थानांनी घसरण झाली.
स्पर्धेचा आठवा दिवस न्यूझीलंडसाठी विशेष ठरला; त्यांनी एकूण सात पदकं जिंकली आणि भारताला मागे टाकलं. त्याच वेळी, जमैकानेही भारताला मागे टाकलं. जमैकाकडे आता एकूण आठ पदकं (ज्यात चार सुवर्णपदकांचा समावेश आहे) असून, ते नवव्या स्थानावर आहेत. याव्यतिरिक्त, ११० पदकांसह ऑस्ट्रेलिया आघाडीवर आहे.
कॉमनवेल्थ गेम्स २०२६ : आठव्या दिवसाअखेर पदकतालिका
१. ऑस्ट्रेलिया – ५१ सुवर्ण, २४ रौप्य, ३५ कांस्य (एकूण ११०)
२. इंग्लंड – १५ सुवर्ण, ३० रौप्य, २० कांस्य (एकूण ६५)
३. कॅनडा – १५ सुवर्ण, १३ रौप्य, १७ कांस्य (एकूण ४५)
४. स्कॉटलंड – ९ सुवर्ण, ७ रौप्य, ९ कांस्य (एकूण २५)
५. नायजेरिया – ८ सुवर्ण, ५ रौप्य, २ कांस्य (एकूण १५)
६. दक्षिण आफ्रिका – ६ सुवर्ण, ९ रौप्य, ८ कांस्य (एकूण २३)
७. मलेशिया – ६ सुवर्ण, ३ रौप्य, ३ कांस्य (एकूण १२)
८. न्यूझीलंड – ५ सुवर्ण, ९ रौप्य, ७ कांस्य (एकूण २१)
९. जमैका – ४ सुवर्ण, २ रौप्य, २ कांस्य (एकूण ८)
१०. भारत – ३ सुवर्ण, १० रौप्य, ४ कांस्य (एकूण १७)
कॉमनवेल्थ गेम्स २०२६ : भारतासाठी पदक जिंकणाऱ्या खेळाडूंची संपूर्ण यादी
सुवर्ण पदक (३)
मीराबाई चानू – वेटलिफ्टिंग
शर्मिला धनकर – पॅरा अॅथलेटिक्स (महिलांची गोळाफेक F57)
दिलीप म्हादू गावित – पॅरा अॅथलेटिक्स (पुरुषांची १०० मीटर T47)
रौप्य पदक (१०)
ऋषिकांत सिंह – वेटलिफ्टिंग
मुथुपांडी राजा – वेटलिफ्टिंग
ज्ञानेश्वरी यादव – वेटलिफ्टिंग
वल्लुरी अजय बाबू – वेटलिफ्टिंग
हरजिंदर कौर – वेटलिफ्टिंग
सर्वेश कुशारे – उंच उडी (हाय जंप)
गुलवीर सिंह – १०,००० मीटर धाव
मोहम्मद बासिल – पॅरा अॅथलेटिक्स (१०० मीटर T47)
मुरली श्रीशंकर – लांब उडी (लाँग जंप)
लवप्रीत सिंह – वेटलिफ्टिंग
कांस्य पदक (४)
झंडू कुमार – पॅरा पॉवरलिफ्टिंग
बिंद्याराणी देवी – वेटलिफ्टिंग
शिल्पा शायला – पॅरा अॅथलेटिक्स (गोळाफेक F57)
सीमा कालीरामाना – थाळीफेक (डिस्कस थ्रो)
