CWG 2022 Ind Vs Pak T20 Cricket Match Updates in Marathi : राष्ट्रकुल क्रीडा स्पर्धेत आज भारत विरुद्ध पाकिस्तान महिला टी २० सामना झाला. इंग्लंडमधील एजबस्टन क्रिकेट स्टेडियममध्ये झालेल्या या सामन्यात भारताने पाकिस्तानचा आठ गडी राखून पराभव केला. भारताची सलामीवीर स्मृती मंधानाने नाबाद ६३ धावांची खेळी केली. हा सामना जिंकून भारताने स्पर्धेतील आपले आव्हान कायम ठेवले आहे. पाकिस्तानची कर्णधार बिसमाह मारूफने नाणेफेक जिंकून प्रथम फलंदाजी करण्याचा निर्णय घेतला होता. भारतीय गोलंदाजांनी हा निर्णय पाकिस्तानच्या अंगलट आणला. भारतीय गोलंदाजांनी शानदार कामगिरी करत पाकिस्तानचा सर्व संघ अवघ्या ९९ धावांमध्ये गुंडाळला होता.
