CWG 2022 Silver Medal winner Sanket Sargar underwent surgery in London SAI helped vkk 95 | Loksatta

CWG 2022: सांगलीच्या संकेतची लंडनमध्ये शस्त्रक्रिया; मीराबाई चानूने मानले सरकारचे आभार

Sanket Sargar Surgery: दुसऱ्या फेरीदरम्यान संकेत जखमी झाला होता.

CWG 2022: सांगलीच्या संकेतची लंडनमध्ये शस्त्रक्रिया; मीराबाई चानूने मानले सरकारचे आभार
फोटो सौजन्य – ट्विटर

बर्मिंगहॅम येथे सुरू असलेल्या २२व्या राष्ट्रकुल स्पर्धेत भारतीय खेळाडूंची जोरदार कामगिरी सुरू आहे. विविध क्रीडा प्रकारांमध्ये भारतीय खेळाडूंनी पदकांच्या कमाईचा धडाका सुरू केला आहे. या मोहिमेची सुरुवात मराठमोळ्या संकेत सरगरने केली होती. राष्ट्रकुल स्पर्धेत संकेतने वेटलिफ्टिंगमध्ये रौप्यपदक पटकावत भारताचे पदकांचे खाते उघडले होते. मात्र, असे करताना त्याच्या हाताला दुखापत झाली होती. या गोष्टीची दखल घेऊन केंद्र शासनाने संकेतच्या शस्त्रक्रियेसाठी मदत केली आहे. भारताच्या सुवर्ण पदक विजेती वेटलिफ्टिंगपटू मीराबाई चानूने ट्वीट करून याबाबत माहिती दिली.

वेटलिफ्टींगमध्ये ५५ किलोग्रॅम वजनी प्रकारात संकेत सरगरने रौप्य पदक मिळवले. संकेतने पहिल्या फेरीत स्नॅच या प्रकारात ११३ किलोग्राम वजन उचलले. तर, दुसऱ्या फेरीत क्लीन एंड जर्कमध्ये १३५ किलोग्राम वजन उचलले होते. दुसऱ्या फेरीदरम्यान संकेत जखमी झाला होता. बक्षिस वितरण समारंभातदेखील तो आपला हात गळ्यामध्ये बांधूनच आला होता.

संकेतची दुखापत गंभीर स्वरूपाची होती. त्याच्यावर तत्काळ शस्त्रक्रिया होणे गरजेचे होते. मात्र, सांगलीतील अतिशय गरीब कुटुंबातून आलेल्या संकेतला शस्त्रक्रियेचा खर्च परवडणारा नव्हता. म्हणून, वेटलिफ्टिंग फेडरेशनने भारतीय क्रीडा प्राधिकरणाला त्याचा खर्च करण्याचा विनंती केली होती. ही विनंती तत्काळ मान्य झाली आणि लंडनमधील रुग्णालयात संकेतवर यशस्वी शस्त्रक्रिया पार पडली. संकेतच्या शस्त्रक्रियेसाठी तत्काळ मदत केल्यामुळे मीराबाई चानूने भारत केंद्र सरकारचे आभार मानले आहेत.

हेही वाचा – VIDEO: ‘०.५ सेकंद की किमत तुम क्या जानो…’, अवघ्या काही क्षणांच्या फरकामुळे हुकले अविनाशचे सुवर्ण पदक

संकेतने देशासाठी पहिले पदक जिंकल्यानंतर पंतप्रधान नरेंद्र मोदी यांनीही त्याचे अभिनंदन केले होते. २१ वर्षीय संकेतच्या नावावर सिंगापूर येथे झालेल्या आंतरराष्ट्रीय वेटलिफ्टिंगमध्ये स्पर्धेत २५६ किलोग्रॅम वजन उचलण्याचा विक्रम आहे. तसेच राष्ट्रीय स्थरावरही त्यांने अनेकदा पदकं मिळवली आहेत.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
CWG 2022: क्रिकेटपटू मिशेल स्टार्कच्या भावाची राष्ट्रकुल स्पर्धेत धमाल! भारतीय खेळाडूशी केली स्पर्धा

संबंधित बातम्या

‘तो’ झेल सुटला अन् भारताचा खेळ खल्लास, भर मैदानातच कर्णधार रोहित शर्मा भडकला, Video होतोय तुफान Viral
FIFA WC 2022: किलर किलियन! फ्रान्सची नवव्यांदा विश्वचषकाच्या उपांत्यपूर्व फेरीत धडक, पोलंडची झुंज अपयशी
IND vs BAN 1st ODI: थरारक सामन्यात बांगलादेशचा भारतावर एक गडी राखून विजय; केएल राहुलचे अर्धशतक व्यर्थ
IND vs BAN 1st ODI: हवेत सूर मारत लिटन दासने घेतला अफलातून झेल, विराट कोहलीही झाला अवाक्
IND vs BAN 1st ODI: मेहदी हसनचा सोडलेला झेल सामन्यातील ठरला टर्निंग पॉइंट, केएल राहुल सोशल मीडियावर ट्रोल

व्हिडिओ

ताज्या बातम्या
‘बिग बॉस’ मराठीच्या घरातून डॉ. रोहित शिंदे बाहेर; इतर स्पर्धक झाले भावुक
पुणे: अंमली पदार्थांची विक्री करणाऱ्या सासू-सुनेला अटक; २० किलो गांजा जप्त
‘बिग बॉस’ मराठीच्या घरातून ‘हे’ वाईल्ड कार्ड स्पर्धक बाहेर; नेमकं कारण काय?
‘छत्रपती शिवाजी महाराजांबाबतची चुकीची विधाने खपवून घेतली जाणार नाहीत’; खासदार श्रीकांत शिंदे यांचा इशारा
FIFA WC 2022: किलर किलियन! फ्रान्सची नवव्यांदा विश्वचषकाच्या उपांत्यपूर्व फेरीत धडक, पोलंडची झुंज अपयशी