“भारताला पराभूत करता येऊ शकतं हे…”, डेव्हिड मिलरचं विजयानंतर मोठं वक्तव्य; टीम इंडियाबद्दल पाहा काय बोलून गेला?

भारताला पराभूत केल्यानंतर काय म्हणाला डेव्हिड मिलर?

त्यावर मिलर म्हणाला, “भारत हा पराभूत करता येईल असा संघ आहे, हे दाखवून दिलं. ते अतिशय ताकदवान संघासह स्पर्धेत उतरतात, हे मी आधीही म्हटलं आहे. पण अशा स्पर्धेत आमच्यासाठी महत्त्वाचं म्हणजे साध्या गोष्टींवर लक्ष ठेवणं, प्रत्येक खेळाडूने आपली भूमिका प्रामाणिकपणे पार पाडणं आणि दिलेलं काम पूर्ण करणं.”

तो पुढे म्हणाला, “आमचा संघ परिपक्व आहे. अनेक खेळाडूंनी एकत्रितपणे बराच काळ क्रिकेट खेळलं आहे आणि दबावाच्या क्षणी तो अनुभव उपयोगी पडतो. आपल्या भूमिकेत राहून कामगिरी करणं आणि नेहमी अधिक चांगलं करण्याची भूक ठेवणं, हेच आमचं बळ आहे.”

हा पराभव भारतासाठी टी-२० आंतरराष्ट्रीय क्रिकेटमधील धावांच्या फरकाने झालेल्या दुसऱ्या क्रमांकाचा सर्वात मोठा पराभव ठरला, तर टी-२० विश्वचषक इतिहासातील हा सर्वात मोठा धक्का मानला जात आहे. सुपर-८ टप्प्याच्या सुरुवातीलाच बसलेला हा मोठा फटका भारतासाठी निश्चितच चिंतेचा विषय ठरला आहे.

भारताला सेमीफायनल गाठण्यासाठी सुपर-८मधील पुढील दोन सामने झिम्बाब्वे व वेस्ट इंडिज यांच्याविरूद्ध खेळवले जाणार आहेत. जर संघाला सेमीफायनल गाठायची असेल तर या दोन्ही संघांना पराभूत करणं गरजेचं असेल. फक्त पराभव नाही तर टीम इंडियाला मोठ्या फरकाने विजय मिळवण्याची गरज आहे, जेणेकरून त्यांचा नेट रन रेट सुधारेल आणि इतर संघांच्या कामगिरीवरही अवलंबून राहावं लागणार आहे.