scorecardresearch

Premium

प्रफुल पटेलांना दणका, फुटबॉल महासंघाच्या अध्यक्षपदी नेमणूक हायकोर्टाकडून रद्द

महासंघावर न्यायालयाकडून प्रशासकाची नेमणूक

५ महिन्यांत नव्याने निवडणुका घेण्याचे दिल्ली उच्च न्यायालयाचे अखिल भारतीय फुटबॉल महासंघाला आदेश.
५ महिन्यांत नव्याने निवडणुका घेण्याचे दिल्ली उच्च न्यायालयाचे अखिल भारतीय फुटबॉल महासंघाला आदेश.

अखिल भारतीय फुटबॉल महासंघाचे अध्यक्ष आणि राष्ट्रवादी काँग्रेसचे खासदार प्रफुल पटेल यांना दिल्ली उच्च न्यायालयाने दणका दिला. अखिल भारतीय फुटबॉल महासंघाच्या अध्यक्षपदी पटेल यांची झालेली निवड रद्द करत पाच महिन्यांत नव्याने निवडणुका घेण्याचे आदेश न्यायालयाने दिले आहेत. फुटबॉल महासंघाने घेतलेल्या निवडणुकांमधून राष्ट्रीय क्रीडा संहितेचं उल्लंघन झाल्याचं मतही दिल्ली उच्च न्यायालयाने व्यक्त केलंय. याचसोबत दिल्ली उच्च न्यायालयाने माजी मुख्य निवडणुक आयुक्त एस. वाय. कुरेशी यांची फुटबॉल महासंघावर प्रशासक म्हणून नेमणूक केली आहे.

क्रीडा क्षेत्रात सुधारणांसाठी काम करणारे कार्यकर्ते राहुल मेहरा यांनी दिल्ली उच्च न्यायालयात याचिका दाखल केली होती. या याचिकेवर न्यायमूर्ती एस. रविंद्र भट आणि न्या. नजमी वाझिरी यांच्या खंडपीठाने प्रफुल पटेल यांची निवड रद्दबातल ठरवली.

Shinde Fadnavis Pawar
शिंदे-फडणवीस-पवार सरकारचा मोठा निर्णय, राज्यातील १२ जिल्ह्यांच्या पालकमंत्र्यांची यादी जाहीर, वाचा…
boy saved in dumas sea
१२ वर्षांच्या मुलाची २६ तास समुद्राशी झुंज; गणेशमूर्ती बसवायच्या लाकडी फळीचा मिळाला आधार!
stranded passengers near panvel station get immediate help after chief minister call
नवी मुंबई : ८ ते १० तास ट्रेन एकाच ठिकाणी थांबलेली, वैतागलेल्या प्रवाशाचा थेट मुख्यमंत्र्यांना फोन, पुढे काय झालं?
mrinal kulkarni virajas and shivani
“शिवानी आणि विराजस, तुम्ही दोघेही…,” मृणाल कुलकर्णींनी व्यक्त केला आनंद, जाणून घ्या खास कारण

अवश्य वाचा – युवा विश्वचषक आयोजनाचे भारताचे स्वप्न तूर्तास दूर?

२००९ साली प्रफुल पटेल यांनी अखिल भारतीय फुटबॉल महासंघाच्या अध्यक्षपदाची सूत्रे सांभाळली. यानंतर आजपर्यंत प्रफुल पटेल फुटबॉल महासंघावर एकमताने निवडून येत आहेत. मागच्या वर्षी डिसेंबर महिन्यात फुटबॉल महासंघाच्या वार्षिक सर्वसाधारण सभेत प्रफुल पटेल यांची एकमताने अध्यक्षपदी निवड करण्यात आली होती. पटेल यांच्या निवडीला मेहरा यांनी दिल्ली उच्च न्यायालयात आव्हान दिलं होतं. या याचिकेवर आज अखेर दिल्ली उच्च न्यायालयाने निकाल दिला.

२००८ साली फुटबॉल महासंघाचे तत्कालीन अध्यक्ष प्रियरंजन दासमुन्शी यांचं निधन झालं. यानंतर पटेल यांनी महासंघाच्या अध्यक्षपदाची सूत्रे सांभाळली. पटेल यांच्याच नेतृत्वाखाली फुटबॉल महासंघाने फिफाच्या १७ वर्षांखालील मुलांच्या विश्वचषकाचं यजमानपद भूषवलं होतं. याचसोबत भारताने २०१९ साली १९ वर्षांखालील मुलांच्या विश्वचषकाच्या यजमानपदासाठी प्रयत्न करायला सुरुवात केली आहे.

Latest Comment
View All Comments
Post Comment

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Delhi high court sets aside praful patel appointment as a aiff president orders new election in 5 months

First published on: 31-10-2017 at 16:34 IST

संबंधित बातम्या

तुम्ही या बातम्या वाचल्या आहेत का? ×