डेन्मार्क खुली बॅडमिंटन स्पर्धा : सिंधूच्या पुनरागमनाकडे लक्ष

ऑगस्ट महिन्यात झालेल्या टोक्यो ऑलिम्पिकमध्ये ऐतिहासिक कांस्यपदक जिंकल्यानंतर सिंधूने काही काळ विश्रांती घेतली.

भारताची ऑलिम्पिक पदकविजेती बॅडमिंटनपटू पी. व्ही. सिंधू दोन महिन्यांच्या विश्रांतीनंतर कोर्टवर परतणार आहे. मंगळवारपासून सुरू होणाऱ्या डेन्मार्क खुल्या बॅडमिंटन स्पर्धेत सिंधूसह सायना नेहवालच्या कामगिरीवरही चाहत्यांची नजर असेल.

ऑगस्ट महिन्यात झालेल्या टोक्यो ऑलिम्पिकमध्ये ऐतिहासिक कांस्यपदक जिंकल्यानंतर सिंधूने काही काळ विश्रांती घेतली. आता डेन्मार्क स्पर्धेत पुनरागमन करताना पहिल्या फेरीत चौथ्या मानांकित सिंधूपुढे तुर्कीच्या नेस्लीहान यिगीतचे आव्हान असेल. या स्पर्धेची विजयी सुरुवात करण्यात यश आल्यास तिला दुसऱ्या फेरीत थायलंडची आघाडीची खेळाडू बुसानन ओंगबमरुंगपानचा सामना करावा लागू शकतो.

या स्पर्धेच्या पहिल्या फेरीत सायनाचा सामना जपानच्या अया ओहोरीशी होईल. त्याचप्रमाणे चिराग शेट्टी आणि सात्त्विकसाईराज रंकीरेड्डी या सातव्या मानांकित जोडीवरही भारतीय चाहत्यांचे लक्ष असेल. पुरुष दुहेरीतील पहिल्या फेरीत त्यांच्यापुढे इंग्लंडच्या कॅलम हेमिंग आणि स्टीव्हन स्टॉलवूड जोडीचे आव्हान असेल. पुरुष एकेरीत लक्ष्य सेन, किदम्बी श्रीकांत, बी. साईप्रणीत आणि पारुपल्ली कश्यप हे खेळाडू भारताचे प्रतिनिधित्व करणार आहेत.

’ वेळ : दुपारी १२.३० वा.

’ थेट प्रक्षेपण : स्टार स्पोटर्स ३

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Denmark open badminton tournament badminton player p v sindhu akp

Next Story
विजयी भव !
ताज्या बातम्या