IPL 2023: ड्वेन ब्राव्हो आयपीएलमधून निवृत्त, सीएसकेसाठी दिसणार 'या' नव्या भूमिकेत | Dwayne Bravo has retired from IPL and will now be the bowling coach of CSK | Loksatta

IPL 2023: ड्वेन ब्राव्हो आयपीएलमधून निवृत्त, सीएसकेसाठी दिसणार ‘या’ नव्या भूमिकेत

ड्वेन ब्राव्हो आयपीएल २०२३ मध्ये चेन्नई सुपर किंग्जकडून खेळताना दिसणार नाही. पण चांगली बातमी अशी आहे की, ब्राव्हो नक्कीच सीएसकेच्या ड्रेसिंग रूममध्ये दिसणार आहे.

IPL 2023: ड्वेन ब्राव्हो आयपीएलमधून निवृत्त, सीएसकेसाठी दिसणार ‘या’ नव्या भूमिकेत
ड्वेन ब्राव्हो आयपीएलमधून निवृत्त (संग्रहित छायाचित्र इंडियन एक्सप्रेस)

आयपीएलचा सोळावा हंगाम पुढील वर्षी खेळवला जाणार आहे. त्याचबरोबर सोळाव्या हंगामाचा लिलाव या महिन्याच्या २३ तारखेला कोची येथे होणार आहे. या अगोदचर सीएसके संघाने दोन मोठे निर्णय घेतले आहेत. चेन्नई सुपर किंग्जने लक्ष्मीपती बालाजी पुढील हंगामात संघाचा गोलंदाजी प्रशिक्षक नसल्याची अधिकृत घोषणा केली आहे. त्याचबरोबर संघाने वेस्ट इंडिजचा माजी खेळाडू ड्वेन ब्राव्होला गोलंदाजी प्रशिक्षक म्हणून नियुक्त केले आहे.

चेन्नई सुपर किंग्जने एका निवेदनात म्हटले आहे की, ”पुढील वर्षीच्या आयपीएलसाठी ड्वेन ब्राव्होची संघाचा गोलंदाजी प्रशिक्षक म्हणून नियुक्ती करण्यात आली आहे. लक्ष्मीपती बालाजी आयपीएलच्या पुढील सीझनमधून ब्रेक घेत आहे, वैयक्तिक वचनबद्धता आहे, परंतु सीएसके अकादमीसाठी उपलब्ध असेल.”

या नियुक्तीवर आनंद व्यक्त करताना ड्वेन ब्राव्हो म्हणाला, ”मी याचीच वाट पाहत होतो, कारण मी माझ्या क्रिकेट करिअरनंतर असे काहीतरी शोधत आहे. मला गोलंदाजांसोबत काम करायला आवडते, मी त्याची वाट पाहत आहे. मला वाटत नाही की मला गोलंदाजापासून प्रशिक्षकापर्यंत काहीही बदलावे लागेल. जरी मी खेळत असतो, तरी फलंदाजांच्या एक पाऊल पुढे कसे राहायचे याचे गोलंदाजांसोबत नियोजन केले असते. फक्त हो, एवढा फरक असेल की आता मी खेळाडूंसोबत मैदानावर नसेन.”

हेही वाचा – IPL 2023 Auction: ५५ खेळाडूंवर लागणार करोडोंची बोली; तर दोन-दीड कोटीच्या गटात एकाही भारतीयाचा स्थान नाही

ड्वेन ब्राव्हो हा केवळ चेन्नई सुपर किंग्जसाठीच नव्हे तर आयपीएलच्या सर्वकालीन विक्रमात सर्वाधिक बळी घेणारा गोलंदाज आहे. त्याने १५८ डावात १८३ विकेट्स घेतल्या आहेत. २२ धावांत ४ विकेट्स घेणे हा त्याचा सर्वोत्तम स्पेल आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 02-12-2022 at 15:50 IST
Next Story
IND vs PAK: “भारताचा आत्मविश्वास वाढू नये…” २६ वर्षापूर्वीच्या वादाला वसीम अक्रमच्या वक्तव्याने फुटले तोंड