इंग्लंडचा न्यूझीलंड संघावर रोमांचक विजय, फिलिप्सचं षटक ठरलं टर्निंग पॉईंट, किवींसाठी सेमीफायनलचं समीकरण बदललं

न्यूझीलंडने दिलेल्या १६० धावांच्या लक्ष्याचा पाठलाग करताना इंग्लंडची सुरूवात खूप खराब झाली. दोन षटकांत संघाने दोन विकेट्स गमावले. हॅरी ब्रूक २६ धावा तर जेकब बेथल २१ धावा, टॉम बँटन ३३ धावा व सॅम करनने २४ धावांचं योगदान दिलं. न्यूझीलंड संघाने ठराविक अंतराने झटपट विकेट्स घेतल्या. पण अखेरच्या षटकांमध्ये इंग्लंडने पुन्हा सामन्याचा रोख बदलला. विल जॅक्स व रेहान अहमद या जोडीने १८व्या षटकात २२ धावा तर १९व्या षटकात १६ धावा कुटल्या आणि न्यूझीलंडला विजयापासून दूर नेलं. विल जॅक्स व रेहान अहमद यांनी १६ चेंडूत ४४ धावांची उत्कृष्ट भागीदारी रचली. विल जॅक्सने १८ चेंडूत ३२ धावांची गरज आहे. तर रेहान अहमदने ७ चेंडूत १९ धावांचं महत्त्वपूर्ण योगदान दिलं.

विल जॅक्सने स्पर्धेत चौथ्यांदा सामनावीर पुरस्कार पटकावला. जॅक्सने या सामन्यात फलंदाजी करताना १८ चेंडूत ३२ धावा केल्या आणि विजयी चौकारदेखील लगावला. शिवाय गोलंदाजीत त्याने २ महत्त्वाच्या विकेटसदेखील मिळवल्या.

न्यूझीलंडने नाणेफेक जिंकत प्रथम फलंदाजीचा निर्णय घेतला. टीम सेफर्ट व फिन एलन यांनी संघाला कमालीची सुरूवात करून दिली. पहिल्या विकेटसाठी दोघांनी ६४ धावांची भागीदारी रचली. पण यानंतर फिरकीपटूंनी इंग्लंडला फार धावा करू दिल्या नाही. टीम सेफर्ट ३५ धावा तर एलन २९ धावा करत बाद झाला. याशिवाय ग्लेन फिलिप्सने ३९ धावांचं योगदान दिलं. मार्क चॅपमन १५ धावा, मॅककॉन्ची १४ धावा तर सँटनरने नाबाद ९ धावा केल्या. यासह २० षटकांत इंग्लंडने ७ बाद १५९ धावा केल्या आहेत. इंग्लंडकडून आदिल रशीद, विल जॅक्स व रेहान अहमद यांनी प्रत्येकी २-२ विकेट्स घेतल्या आहेत. तर डॉसनने एक विकेट घेतली.