scorecardresearch

Premium

ENG vs NED: बेन स्टोक्सचे तुफानी शतक! अखेर इंग्लंडच्या फलंदाजांना सूर गवसला, नेदरलँड्ससमोर ठेवले ३४० धावांचे डोंगराएवढे लक्ष्य

ENG vs NED, World Cup: इंग्लंड आणि नेदरलँड्स यांच्यात सुरु असलेल्या विश्वचषकातील ४०व्या सामन्यात बेन स्टोक्सने अफलातून शतक झळकावले. इंग्लंडने नेदरलँड्ससमोर विजयासाठी ३४० धावांचे आव्हान ठेवले आहे.

Ben Stokes brilliant century finally England's batsmen excellent batting got A mountain target of 340 runs was set before a weak Netherlands
इंग्लंडने नेदरलँड्ससमोर विजयासाठी ३४० धावांचे आव्हान ठेवले आहे. सौजन्य- (ट्वीटर)

England vs Netherland ICC Cricket World Cup 2023 Match Updates: विश्वचषक २०२३ च्या ४०व्या सामन्यात आज इंग्लंडचा सामना नेदरलँड्सशी खेळला जात आहे. हा सामना महाराष्ट्र क्रिकेट असोसिएशन स्टेडियम, पुणे येथे खेळवला जात असून इंग्लंडने नेदरलँड्ससमोर विजयासाठी ३४० धावांचे आव्हान ठेवले आहे. इंग्लंडचा कर्णधार जोस बटलरने नाणेफेक जिंकून प्रथम फलंदाजी करण्याचा निर्णय घेतला. बेन स्टोक्सने शानदार शतक झळकावत संघाला ३०० पार धावसंख्या उभारण्यात मदत केली. इंग्लंड आणि नेदरलँड्सचा संघ आधीच या विश्वचषकातून बाहेर पडला आहे. नेदरलँड्सचा शेवटचा सामना भारताविरुद्ध होणार आहे.

इंग्लंडने नेदरलँड्ससमोर विजयासाठी ३४० धावांचे लक्ष्य ठेवले आहे. नाणेफेक जिंकून प्रथम फलंदाजी करण्याचा निर्णय घेत इंग्लंड संघाने ५० षटकांत नऊ गडी गमावून ३३९ धावा केल्या. त्यासाठी अनुभवी फलंदाज बेन स्टोक्सने १०८ धावा केल्या. त्याने ८४ चेंडूंच्या खेळीत सहा चौकार आणि सहा षटकार मारले. स्टोक्सचे हे विश्वचषक इतिहासातील पहिले शतक आहे. डेव्हिड मलानने ८७ आणि ख्रिस वोक्सने ५१ धावा केल्या. जो रूटने २८, जॉनी बेअरस्टोने १५ आणि हॅरी ब्रूकने ११ धावा केल्या. डेव्हिड विली (०६), जोस बटलर (०५) आणि मोईन अली (०४) लवकर बाद झाले. नेदरलँड्सकडून बास डी लीडेने सर्वाधिक तीन गडी बाद केले.

England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
India Vs England 3rd Test Rohit Sharma Video Viral
IND vs ENG : रोहित शर्माने बूट उचलला, अन् जैस्वाल-सर्फराझसह इंग्लंडचे खेळाडू फिरले माघारी, VIDEO व्हायरल
South Africa lost to New Zealand in Test cricket match sport news
न्यूझीलंडकडून दक्षिण आफ्रिकेचा धुव्वा
India won by 106 Run against England IND vs ENG 2nd Test
IND vs ENG : भारताने दुसऱ्या कसोटीत इंग्लंडचा १०६ धावांनी उडवला धुव्वा, मालिकेत १-१ ने साधली बरोबरी

इंग्लिश संघाने या विश्वचषकात अत्यंत खराब कामगिरी केली असून गुणतालिकेत ते तळाशी आहे. त्याचवेळी नेदरलँड्स नवव्या क्रमांकावर आहे. या सामन्यात इंग्लंडला सावधगिरी बाळगावी लागणार आहे. इंग्लंडला प्रतिष्ठा जपण्यासाठी आणि २०२५च्या आयसीसी चॅम्पियन्स ट्रॉफीमध्ये थेट पात्र होण्यासाठी आजचा विजय आवश्यक आहे. कारण, या विश्वचषकातील गुणतालिकेनुसार आयसीसी चॅम्पियन्स ट्रॉफीमध्ये पहिले सात संघ थेट पात्र होणार आहेत. उर्वरित संघांना पात्रता फेरीचे सामने खेळणे आवश्यक आहेत. त्यामुळे नेदरलँड्सविरुद्ध इंग्लिश संघाला कुठल्याही परिस्थतीत विजय हा आवश्यक आहे.

तत्पूर्वी, बटलरने प्लेइंग-११ मध्ये दोन बदल केले. हॅरी ब्रूक आणि गस ऍटकिन्सन प्लेइंग-११ मध्ये परतले आहेत. लियाम लिव्हिंगस्टोन आणि मार्क वुड यांना संघातून वगळण्यात आले. त्याचवेळी नेदरलँडचा कर्णधार स्कॉट एडवर्ड्सनेही प्लेइंग-११ मध्ये बदल केला. चॅम्पियन्स ट्रॉफीच्या दृष्टिकोनातून हा सामना खूप महत्त्वाचा आहे. दोन्ही संघ नवव्या आणि दहाव्या स्थानावर आहेत. या विश्वचषकातील अव्वल आठ संघ २०२५ मध्ये होणाऱ्या चॅम्पियन्स ट्रॉफीसाठी पात्र ठरतील. अशा स्थितीत अव्वल आठमध्ये स्थान मिळविण्यावर दोघांचे लक्ष असेल.

हेही वाचा: World Cup 2023: नेदरलँड्स सामन्यापूर्वी अक्षर पटेल टीम इंडियाला भेटला? मोहम्मद सिराजबरोबरचा फोटो व्हायरल

दोन्ही संघ पुढीलप्रमाणे आहेत

इंग्लंड: जॉनी बेअरस्टो, डेविड मलान, जो रूट, बेन स्टोक्स, हॅरी ब्रूक, जोस बटलर (यष्टीरक्षक/ कर्णधार), मोईन अली, ख्रिस वोक्स, डेव्हिड विली, गस ऍटकिन्सन, आदिल रशीद.

नेदरलँड्स: वेस्ली बॅरेसी, मॅक्स ओ’डॉड, कॉलिन एकरमन, सिब्रांड एंजेलब्रेक्ट, स्कॉट एडवर्ड्स (यष्टीरक्षक/ कर्णधार), बास डी लीडे, तेजा एनडामानुरु, लोगान व्हॅन बीक, रॉल्फ व्हॅन डर मर्वे, आर्यन दत्त, पॉल व्हॅन मीकरेन.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Eng vs ned england gave netherlands a target of 340 runs ben stokes scored 108 runs on 84 balls avw

First published on: 08-11-2023 at 18:01 IST

संबंधित बातम्या

तुम्ही या बातम्या वाचल्या आहेत का? ×