ENG vs NZ T20 WC 2026: इंग्लंडचा न्यूझीलंड संघावर दमदार विजय, पाकिस्तान-न्यूझीलंड अजूनही सेमीफायनलच्या शर्यतीत

ग्लेन फिलिप्सच्या १८व्या षटकात रेहान अहमदने सुरूवातीला एक षटकार खेचला. यानंतर विल जॅक्सने २ चौकार व एक षटकार लगावत २२ धावा चोपल्या. यासह इंग्लंडला १२ चेंडूत २१ धावांची गरज आहे. रेहान व विल जॅक्सने ७ चेंडूत २७ धावा केल्या आहेत.

रचिन रवींद्र १५व्या षटकात मोठा फटका खेळण्याच्या प्रयत्नात झेलबाद झाला. यासह १५ षटकांत संघाने ५ बाद १०१ धावा केल्या आहेत.

८व्या षटकात रचिन रवींद्रच्या गोलंदाजीवर एक अनपेक्षित झेल टिपला. बेथेलने मोठा फटका खेळला पण सीमारेषेपासून जवळपास बरंच अंतर कापत तो पुढे आला आणि पायाच्या बोटांवर जोर देत पुढे वाकून अफलातून लो कॅच पकडला.

हॅरी ब्रुकने इंग्लंडचा डाव सावरत संघाला पॉवरप्लेमध्ये २ बाद ४७ धावांपर्यंत पोहोचवलं आहे.

लॉकी फर्ग्युसन दुसरं षटक टाकण्यासाठी आला आणि दुसऱ्या चेंडूवर त्याने जोस बटलरला माघारी धाडलं. सलग पाचव्या सामन्यात बटलर स्वस्तात बाद झाला आहे.

मिचेल सँटनरने रेहान अहमदच्या अखेरच्या चेंडूवर षटकार खेचत संघाला १५९ धावांवर पोहोचवलं. सेफर्ट-एलनच्या चांगल्या सुरूवातीनंतर मधल्या षटकांमध्ये इंग्लंडच्या फिरकीपटूंनी किवी संघाच्या धावांना ब्रेक लावला. न्यूझीलंडचे फलंदाज लागोपाठ विकेट्स गमावल्याने धावा होऊ शकल्या नाहीत. पण अखेरीस फायटिंग धावसंख्या उभारत इंग्लंडला विजयासाठी १६० धावांचं आव्हान दिलं आहे.

चापमन आदिल रशीदच्या गोलंदाजीवर १५ धावा करत झेलबाद झाला आहे. तर डॅरिल मिचेलदेखील ३ धावांवर बाद झाल्याने संघाला मोठा धक्का बसला. तर ग्लेन फिलिप्सल विल जॅक्सने ३९ धावांवर क्लीन बोल्ड केलं. यासह १८ षटकांत न्यूझीलंड संघाने ६ बाद १४२ धावा केल्या आहेत.

सेफर्टच्या पाठोपाठ फिन एलनदेखील पुढच्या षटकात माघारी परतला. संघाला चांगली सुरूवात करून दिल्यानंतर विल जॅक्सच्या चेंडूवर मोठा फटका खेळण्याच्या प्रयत्नात एलन झेलबाद झाला.

न्यूझीलंडने पॉवरप्लेमध्ये शानदार फटकेबाजी करत एकही विकेट न गमावता ५४ धावा कुटल्या आहेत. आर्चरने पहिलं षटक मेडन टाकूनही सेफर्ट व एलनने पुढील षटकांमध्ये धावा भरून काढल्या. सेफर्ट २७ तर एलन २६ धावांवर खेळत आहे.

न्यूझीलंड आणि इंग्लंड यांच्यातील सामन्याला सुरूवात झाली आहे. न्यूझीलंडकडून टीम सेफर्ट व फिन एलनची जोडी उतरली आहे. तर इंग्लंडकडून जोफ्रा आर्चरने सुरूवात करत पहिलंच मेडन षटक टाकलं आहे.

फिल साल्ट, जोस बटलर (यष्टीरक्षक), हॅरी ब्रूक (कर्णधार), जेकब बेथेल, टॉम बँटन, सॅम करन, विल जॅक्स, लियाम डॉसन, रेहान अहमद, जोफ्रा आर्चर, आदिल रशीद

टी-२० विश्वचषक २०२६ मधील सुपर-८ सामन्यात आज न्यूझीलंड आणि इंग्लंडचे संघ आमनेसामने आहेत. इंग्लंड संघाने सेमीफायनलमध्ये धडक मारली आहे. तर न्यूझीलंडचा संघाने हा सामना जिंकताच सेमीफायनल गाठणार आहे.