ENG vs PAK: पाकिस्तान हरलं अन् चाहते भिडले! स्टेडिअममध्येच पाकिस्तानी फॅनने घेतला इंग्लंडच्या समर्थकाशी पंगा; पाहा Video

Viral Cricket Video: इंग्लंड विरूद्ध पाकिस्तान यांच्यात झालेल्या सामन्यानंतर पाकिस्तान आणि इंग्लंड यांच्यातील चाहत्यांमध्ये भांडण झाल्याचा व्हिडीओ व्हायरल होत आहे.

viral cricket video (फोटो- एक्स)

Fight During England vs Pakistan Match: आयसीसी टी-२० वर्ल्डकप २०२६ स्पर्धेत मंगळवारी झालेल्या सामन्यात इंग्लंड आणि पाकिस्तान हे दोन्ही संघ आमनेसामने आले होते. हा सामना सेमीफायनलमध्ये जाण्याच्या दृष्टीने दोन्ही संघांसाठी अतिशय महत्वाचा होता. इंग्लंडने हा सामना २ गडी राखून आपल्या नावावर केला आणि स्पर्धेतील सेमी फायनलमध्ये प्रवेश केला आहे. हा सामना गमावल्यानंतर पाकिस्तानचा सेमी फायनलमध्ये जाण्याचा मार्ग आणखी खडतर झाला आहे. दरम्यान या सामन्यानंतर सोशल मीडियावर एक व्हिडीओ जोरदार व्हायरल होत आहे, या व्हिडीओमध्ये इंग्लंड आणि पाकिस्तानचे चाहते एकमेकांसोबत भांडताना दिसून येत आहे.

पाकिस्तानचे क्रिकेट चाहते मोठ्या संख्येने आपल्या संघाला सपोर्ट करण्यासाठी मैदानात हजेरी लावत असतात. पण नेहमीच त्यांना रिकाम्या हाती परतावं लागतं. सेमी फायनलमध्ये प्रवेश करण्यासाठी पाकिस्तानला हा सामना जिंकणं खूप गरजेचं होतं. पण या सामन्यातही पाकिस्तानला पराभवाचा सामना करावा लागला. त्यामुळे पाकिस्तानच्या क्रिकेट चाहत्याच्या भावना अनावर झाल्या. व्हायरल होत असलेल्या व्हिडीओमध्ये तुम्ही पाहू शकता, पाकिस्तानची जर्सी परिधान केलेला क्रिकेट चाहता इंग्लंडच्या चाहत्यासोबत भांडण करताना दिसून येत आहे. दोघांमध्ये जोरदार भांडण झालं. शेवटी हे भांडण मिटवण्यासाठी श्रीलंकेच्या क्रिकेट चाहत्याला मध्यस्थी करावी लागली.

हेही वाचा

होय! माझा तो निर्णय चुकीचा; तेंडुलकरला बाद दिल्याच्या निर्णयाचा पंच बकनर यांना बावीस वर्षांनी पश्चात्ताप

श्रीलंकेच्या क्रिकेट चाहत्याने मध्यस्थी केली नसती, तर हा वाद आणखी वाढू शकला असता. पण व्हायरल होत असलेल्या व्हिडीओमध्ये तुम्ही पाहू शकता की, श्रीलंकेच्या क्रिकेट चाहत्याने मध्यस्थी केल्यानंतर हा वाद लगेच शांत झाला. स्टेडियममध्ये सामना पाहण्यासाठी आलेले चाहते दोघांचा वाद कॅमेऱ्यात कैद करताना दिसून आले. काही तासातच हा व्हिडीओ सोशल मीडियावर तुफान व्हायरल झाला. हा व्हिडीओ व्हायरल होताच नेटकऱ्यांनी भन्नाट प्रतिक्रिया दिल्या आहेत.

इंग्लंडचा विजय

या सामन्यात पाकिस्तानने नाणेफेक जिंकून प्रथम फलंदाजी करण्याचा निर्णय घेतला होता. प्रथम फलंदाजीसाठी आलेल्या पाकिस्तानकडून सलामीला आलेल्या साहिबजादा फरहानने ६३ धावांची खेळी करून दमदार सुरूवात करून दिली. तर फखर जमानने २५ आणि बाबर आझमने देखील २५ धावांची खेळी केली. या खेळीच्या बळावर पाकिस्तानने २० षटकांअखेर ९ गडी बाद १६४ धावा केल्या. या धावांचा पाठलाग करण्यासाठी आलेल्या इंग्लंडकडून विल जॅक्सने २८ धावा केल्या. तर कर्णधार हॅरी ब्रुकने सर्वाधिक १०० धावांची खेळी करून इंग्लंडला २ गडी राखून विजय मिळवून दिला. या विजयासह इंग्लंडने सेमीफायनलमध्ये आपलं स्थान निश्चित केलं आहे.