सध्या सरेसाठी काउंटी क्रिकेट खेळत असलेला इंग्लंडचा क्रिकेटपटू जेड डर्नबॅक लवकरच आंतरराष्ट्रीय क्रिकेटमध्ये पुनरागमन करणार आहे. डर्नबॅक इंग्लंडसाठी नव्हे तर इटलीसाठी खेळणार आहे. ३५ वर्षीय डर्नबॅकला पुढील महिन्यात होणाऱ्या आयसीसी टी-२० विश्वचषक युरोप पात्रता फेरीसाठी इटलीच्या संघात स्थान देण्यात आले आहे. डर्नबॅक २०११ ते २०१४ दरम्यान इंग्लंडकडून खेळला. पण त्यानंतर त्याला देशासाठी खेळण्याची संधी मिळाली नाही. डर्नबॅक नुकत्याच संपलेल्या द हंड्रेड मध्ये लंडन स्पिरिट संघासाठी खेळताना दिसला.

अलिकडच्या वर्षांत, डर्नबॅकला सरेच्या बाजूने मर्यादित षटकांचे क्रिकेट खेळण्याच्या काही संधी आहेत. या कारणास्तव, त्याने या हंगामानंतर सरे सोडण्याचा निर्णय घेतला होता. डर्नबॅकची आई इटालियन आहे. या कारणास्तव, त्याच्याकडे इटलीकडून खेळण्याची क्षमता आहे. ईएसपीएन क्रिकइन्फोच्या अहवालानुसार, त्याला नॉर्थम्प्टनशायरचा खेळाडू गॅरेथ बर्गने इटलीकडून खेळण्यासाठी राजी केले. बर्ग हे इटलीचे कर्णधार आणि प्रशिक्षक आहेत.

Smriti Mandhana the captain of Women Premier League winner Royal Challengers Bangalore said that she was able to take the right decisions even under pressure sport news
दडपण हाताळण्यास शिकल्यानेच कर्णधार म्हणून यश- मनधाना
Hockey coach Craig Fulton decision to select all potential Olympic players for the Australian tour sport news
ऑलिम्पिकसाठीच्या सर्व संभाव्य खेळाडूंची ऑस्ट्रेलिया दौऱ्यासाठी निवड; हॉकी संघाचे प्रशिक्षक क्रेग फुल्टन यांचा निर्णय
hardik pandya
रोहितचे मार्गदर्शन अजूनही महत्त्वाचे! चाहत्यांचा आदर, पण टीकेकडे लक्ष नाही; कर्णधार हार्दिकचे वक्तव्य
Why was Rohit Sharma removed from captaincy Hardik and Boucher silent after asking such a question
IPL 2024 : रोहित शर्माबद्दल ‘हा’ प्रश्न विचारताच, हार्दिक-बाऊचरने बाळगले मौन, VIDEO होतोय व्हायरल

डर्नबॅकची कारकीर्द

डर्नबॅकने इंग्लंडसाठी ३४ टी-२० सामन्यांमध्ये ३९ विकेट्स तर २४ एकदिवसीय सामन्यांमध्ये ३१ विकेट्स घेतल्या आहेत. डर्नबॅकच्या प्रथम श्रेणी क्रिकेटच्या ११३ सामन्यांमध्ये ३११ विकेट्स, लिस्ट-ए च्या १४४ सामन्यांमध्ये २२८ आणि १६५ टी-२० सामन्यात १७८ विकेट्स आहेत. डर्नबॅकने २०११ मध्ये श्रीलंकेविरुद्ध वनडे पदार्पण केले. याच्या तीन दिवस आधी त्याने टी-२० मध्ये पदार्पण केले.

हेही वाचा – ख्रिस गेलला युवराजकडून वाढदिवसाच्या खास शुभेच्छा; व्हिडिओ शेअर करत म्हणाला विराटपेक्षा…

डर्नबॅक व्यतिरिक्त, ऑस्ट्रेलियामध्ये जन्मलेला ग्रँट स्टीवर्ट देखील इटलीकडून खेळेल. तो काउंटी क्रिकेटमध्ये केंट संघाकडून खेळत होता. त्याचबरोबर इंग्लंडचा माजी क्रिकेटपटू ओवेस शाह हा इटलीचा सहाय्यक प्रशिक्षक असेल. २०२२च्या टी-२० विश्वचषकाचा भाग असलेल्या ऑक्टोबरमध्ये होणाऱ्या पात्रता फेरीच्या क्रमवारीनुसार इटलीला स्थान मिळाले आहे.