Ben Stokes opened up about his hair transplant: इंग्लंडच्या कसोटी संघाचा कर्णधार बेन स्टोक्सने आपल्या वैयक्तिक आयुष्याबद्दल एक खुलासा केला आहे. बेन स्टोक्सने तो काळ आठवला. जेव्हा तो २७ वर्षांचा होता. त्यावेळी बेन स्टोक्सचे केस गळायला लागले होते. जेव्हा हे घडू लागले तेव्हा त्याला खूप अस्वस्थ वाटू लागले होते. ग्रॅहम गूच आणि शेन वॉर्नसारख्या दिग्गजांचा मार्ग अवलंबत त्यांनी केस प्रत्यारोपण केले.
अलीकडेच टेलिग्राफशी बोलताना बेन स्टोक्सने आठवण सांगितली. तो म्हणाला की ‘जेव्हा तो बॉलिंग रनअपमध्ये असायचा, तेव्हा कॅमेरा त्याच्या डोक्यावर केंद्रित व्हायचा आणि त्याचे टक्कल स्पष्टपणे दिसत असायचे. अनुभवी अष्टपैलू खेळाडूने खुलासा केला की केस प्रत्यारोपणाच्या प्रक्रियेने त्याला खूप आत्मविश्वास दिला.’
बेन स्टोक्स म्हणाला, ‘मी माझे फुटेज पाहिले. ‘एंगल बर्ड व्ह्यू होता आणि ते वरून सरळ माझ्यावर लक्ष केंद्रित करत होते. मी म्हणालो अरे देवा, हे आणखी वाईट होत आहे. मी भाग्यवान होतो की मी थोडा उंच होतो आणि बहुतेक खेळाडूंपेक्षा थोडा उंच दिसत होतो. माझे डोके मात्र जिथे ते होते, तिथून बऱ्यापैकी दिसत होते.’ तो पुढे म्हणाला, ‘म्हणून मी गेलो आणि प्रत्यारोपण सुरू केले. जसजसे निकाल येत गेले तसतसा माझा आत्मविश्वास वाढत गेला. मला आनंद झाला की आता मला माझ्या केसांची जास्त काळजी करण्याची गरज नाही.’
माझे केस पुन्हा आल्यानंतर माझा आत्मविश्वास खूप वाढला –
इंग्लिश कसोटी कर्णधार पुढे म्हणाला, ‘पुरुषांना त्यांचे केस खूप आवडतात. त्याची प्रक्रिया शांत ठेवली जाते. ही एक गोष्ट आहे, जी तुम्हाला इतर लोकांना कळू नये असे वाटते. जसजसे तुम्ही म्हातारे होत जाल तसतसे तुम्हाला मस्त केस हवेत, असे वाटू लागते. म्हणूनच अनेक लोक गोष्टी वेगळ्या पद्धतीने करण्याचा प्रयत्न करतात. जेव्हा लोकांनी माझी प्रशंसा केली, तेव्हा मला कसे वाटले हे मला माहीत आहे. माझा आत्मविश्वास पूर्वीपेक्षा खूप वाढला आहे.’
