scorecardresearch

FIFA WC 2022: ब्राझीलच्या खेळाडूंनी दिग्गज फुटबॉलपटू पेलेला विजय केला समर्पित, दक्षिण कोरिया विश्वचषकातून बाहेर

फिफा विश्वचषकातील अंतिम-१६ फेरीतील सामन्यात ब्राझीलने दक्षिण कोरियाचा पराभव करत उपउपांत्य फेरीत प्रवेश केला. त्याच बरोबर त्यांनी दिग्गज खेळाडू पेले यांना हा विजय समर्पित केला.

FIFA WC 2022: ब्राझीलच्या खेळाडूंनी दिग्गज फुटबॉलपटू पेलेला विजय केला समर्पित, दक्षिण कोरिया विश्वचषकातून बाहेर
सौजन्य- फिफा विश्वचषक २०२२ (ट्विटर)

फिफा विश्वचषक २०२२ च्या प्री-क्वार्टर फायनलमध्ये दक्षिण कोरियाचा ४-१ असा पराभव केल्यानंतर, ब्राझीलच्या खेळाडूंनी हा विजय महान खेळाडू पेलेला समर्पित केला. आजारी असलेल्या पेले यांच्यावर साओ पाउलो येथील रुग्णालयात उपचार सुरू आहेत. दक्षिण कोरियावर विजय मिळवल्यानंतर ८२ वर्षीय पेले यांचे पोस्टर्स दोहा येथील स्टेडियम ९७४ येथे ब्राझीलच्या खेळाडूंनी लावले आहेत. फुटबॉल इतिहासातील महान खेळाडूंपैकी एक असलेले पेले गंभीर आजारी आहेत. मात्र, तो बरा होऊन घरी परतेल, असा विश्वास त्याच्या कुटुंबीयांनी व्यक्त केला आहे.

दक्षिण कोरियाविरुद्धच्या सामन्यात ब्राझीलकडून विनिशियस ज्युनियर, नेमार, रिचर्डसन आणि लुकास पक्वेटाने गोल केले. घोट्याच्या दुखापतीतून पुनरागमन करणाऱ्या नेमारने सांगितले की, “पेले सध्या कोणत्या परिस्थितीतून जात आहे याबद्दल बोलणे कठीण आहे, परंतु मी त्यांना शुभेच्छा देतो. ते लवकरच बरे होतील अशी देवाजवळ मी प्रार्थना केली आहे.”

“मला आशा आहे की तो शक्य तितक्या लवकर बरे होतील आणि आम्ही किमान त्यांना विजय मिळवून आनंद देऊ शकतो,” नेमारने ग्लोबोला सांगितले. पोटाच्या कर्करोगाशी पेलेची लढाई खेळाडूंना विक्रमी सहाव्यांदा फिफा चॅम्पियन बनण्याची प्रेरणा देत आहे. पेलेने ब्राझीलसाठी तीन वेळा विश्वचषक जिंकला आहे. विनिशियस म्हणाले, “त्यांना आमच्याकडून खूप चांगल्या कामगिरीची अपेक्षा असून आम्ही त्यासाठी खूप जोर लावत आहोत. या खेळत अधिक ताकदीची गरज असते. पेले यांना आमच्याकडून हा विजय समर्पित करत आहोत, जेणेकरून या विजयाच्या बातमीने ते या परिस्थितीतून बाहेर येतील आणि आम्ही त्यांच्यासाठी चॅम्पियन होऊ शकू.”

हेही वाचा  : प्रो कब्बडी लीग २०२२: माजी चॅम्पियन पटना पायरेट्सचा धुव्वा उडवत पुणेरी पलटण उपांत्य फेरीत

रिचर्डसनने त्यांच्या शेवटच्या गट टप्प्यातील सामन्यात जवळपास संपूर्ण पहिल्या संघाला विश्रांती देण्याच्या प्रशिक्षक टिटच्या निर्णयाचे कौतुक केले. बाद फेरीत ब्राझीलने सुरुवातीच्या सामन्यांमध्ये चांगली कामगिरी करत बाद फेरीतील आपले स्थान आधीच पक्के केले होते. मात्र, त्यांच्या संघाला अखेरच्या सामन्यात कॅमेरूनविरुद्ध १-० असा पराभव स्वीकारावा लागला होता. रिचर्डसन म्हणाला, “आम्ही पहिल्या मिनिटापासून जलद खेळलो आणि शेवटच्या सामन्यात आम्ही संघाच्या एका भागाला विश्रांती दिली होती, त्यामुळे तुम्हाला बॉसला श्रेय द्यावे लागेल.”

हेही वाचा  : FIFA WC 2022: विश्वचषकातील पहिले पेनल्टी शूटआऊट! जपानवर मात करत क्रोएशिया सलग दुसऱ्यांदा क्वार्टर-फायनलमध्ये दाखल

ब्राझिलचे प्रशिक्षक टिटेच्या अनेक बदलांचा अर्थ असा आहे की त्याने आता संपूर्ण २६ जणांच्या संघाला स्पर्धेत खेळण्याची संधी दिली, तिसरा पर्याय असलेला गोलकीपर वेव्हर्टन अगदी कोरियाविरुद्ध शेवटची १० मिनिटे खेळला. त्याबद्दल तो म्हणाला की “मी आलो तेव्हा खेळ व्यावहारिकरित्या संपला होता, परंतु कोणत्याही गोलरक्षकाला गोल करणे आवडत नाही.”

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 06-12-2022 at 11:25 IST

संबंधित बातम्या