scorecardresearch

FIFA WC 2022: इंग्लंडने सलग दुसऱ्यांदा गाठली बाद फेरी, अमेरिकेने आठ वर्षांनंतर राऊंड १६ मध्ये केला प्रवेश

फिफा विश्वचषक २०२२ मध्ये राऊंड-१६ मधील संघांचे चित्र स्पष्ट होत आहे. मंगळवारी रात्री उशिरा झालेल्या सामन्यांनंतर अमेरिका आणि इंग्लंड हे दोन्ही संघ अंतिम-१६ फेरीत पोहोचले आहेत.

FIFA WC 2022: इंग्लंडने सलग दुसऱ्यांदा गाठली बाद फेरी, अमेरिकेने आठ वर्षांनंतर राऊंड १६ मध्ये केला प्रवेश
सौजन्य- फिफा विश्वचषक २०२२ (ट्विटर)

मार्कस रॅशफोर्ड (५०, ६८व्या) आणि फिल फोडेन (५१व्या) यांनी केलेल्या गोलमुळे इंग्लंडने फिफा विश्वचषक स्पर्धेतील ब गटातील सामन्यात वेल्सचा ३-० असा पराभव केला. १९६६ चा चॅम्पियन इंग्लंडने सलग दुसऱ्यांदा बाद फेरी गाठली आहे. इंग्लंड आणि वेल्सला पूर्वार्धात एकही गोल करता आला नाही. उत्तरार्धात परिस्थिती बदलली. इंग्लंडने दोन मिनिटांत दोन गोल करत सामन्याचे चित्रच पालटले.

५०व्या मिनिटाला, रॅशफोर्डने फ्री किकवर वेल्सच्या बचावपटूंची जाळी भेदत उत्कृष्ट किक मारली, ज्यावर चेंडू स्विंग होऊन थेट गोल पोस्टमध्ये गेला. डायव्हिंग करूनही गोलरक्षक गोल वाचवू शकला नाही. त्यानंतर बॉक्समधील हॅरी केनच्या पासवर फोडेनने दमदार शॉट २-० असा केला. दोन गोलने पिछाडीवर पडलेल्या वेल्सचा बचाव ढासळू लागला. या सामन्यात आपला दुसरा आणि संघाचा तिसरा गोल करताना रॅशफोर्डने पुन्हा एकदा याचा फायदा घेतला.

केल्विन फिलिप्सने दिलेल्या पासवर मँचेस्टर युनायटेडच्या खेळाडूने संधीचे सोने केले. विश्वचषकाच्या अंतिम फेरीतील इंग्लंडचा हा १०० वा गोल होता. ५६व्या मिनिटाला डेन जेम्सने वेल्ससाठी गोल करण्याचा प्रयत्न केला. किफर मूरनेही प्रयत्न केला पण गोल करू शकला नाही. पहिल्या सत्रात वेल्सने कडवी झुंज दिली पण दुसऱ्या सत्रामध्ये गॅरेथ बेलच्या बदलीनंतर वेल्स कमकुवत झाला तर इंग्लंडचे खेळाडू अधिक आक्रमक बनले.

हेही वाचा :   IND vs NZ 3rd ODI: न्यूझीलंडने नाणेफेक जिंकून घेतला प्रथम गोलंदाजीचा निर्णय, संजू सॅमसनला पुन्हा वगळले

अमेरिकेने आठ वर्षांनंतर राऊंड १६ मध्ये मिळवले स्थान

स्टार मिडफिल्डर क्रिस्टियन पुलिसिकने 38व्या मिनिटाला केलेल्या गोलमुळे अमेरिकेने मंगळवारी येथे ब गटात इराणवर १-० असा विजय मिळवत फिफा विश्वचषकाच्या अंतिम-१६ मध्ये प्रवेश केला. अमेरिकन संघाने आठ वर्षांनंतर बाद फेरीत प्रवेश केला आहे. यापूर्वी, संघाने २०१४ मध्ये बाद फेरी गाठली होती जिथे त्यांचा प्रवास अंतिम-१६ पर्यंत टिकला होता. पूर्वार्धात अमेरिकेच्या खेळाडूंनी अधिक आक्रमक खेळ करत गोल करण्याच्या अधिक संधी निर्माण केल्या. पुलिसिकने संघाला सुरुवातीची आघाडी मिळवून दिली. डेस्टने बॉक्सच्या आत चेंडू पुलिसिककडे दिला आणि त्याचे रुपांतर गोलमध्ये करण्यात त्याने कोणतीही चूक केली नाही. अमेरिकेने १-० आघाडी शेवटपर्यंत टिकून ठेवली. यूएस संघाने ४५+७ व्या मिनिटाला त्यांची आघाडी दुप्पट केली, परंतु टीम वेहचा गोल स्ट्राइकसह ऑफसाइडसाठी नाकारण्यात आला. त्यानंतर ४६व्या मिनिटाला पुलिसिकने मैदान सोडले आणि त्याच्या जागी ब्रेंडन अॅरोन्सनला खेळवण्यात आले.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 30-11-2022 at 08:50 IST

संबंधित बातम्या