फिफा विश्वचषक २०२२ चा आज १० वा दिवस आहे. आजही या स्पर्धेत चार सामने खेळवले जाणार आहेत. मात्र, सामन्यांच्या वेळेत बदल करण्यात आला असून सर्व सामने भारतीय प्रमाणवेळेनुसार (IST) रात्री खेळवले जातील. विशेष म्हणजे फिफा वर्ल्ड कपमध्ये आता एकाच वेळी दोन सामने खेळवले जाणार आहेत. पहिले दोन सामने रात्री ८.३० वाजता सुरू होतील, तर उर्वरित दोन सामने उशिराने १२.३० वाजता सुरू होतील. नेदरलँडचा संघ कतारशी भिडणार आहे. त्याचवेळी इक्वेडोरचा सामना सेनेगलशी होणार आहे. यानंतर दुपारी १२.३० वाजता वेल्सचा इंग्लंडशी सामना आहे. तर इराणसमोर अमेरिकेचे आव्हान आहे. यजमान पहिल्या विजयाच्या शोधात आहे यजमान कतार संघाला या स्पर्धेत अद्याप एकही सामना जिंकता आलेला नाही आणि आज त्यांचा शेवटचा सामना नेदरलँड्सविरुद्ध होणार आहे. संघ अंतिम १६ शर्यतीतून बाहेर पडला आहे पण शेवटच्या सामन्यात विजय मिळवून स्पर्धेचा शेवट गोड करू इच्छितो. मात्र, कतारसाठी ते सोपे नसेल. कतारला आतापर्यंत सेनेगल आणि इक्वेडोरने पराभूत केले आहे, तर आता त्यांचा सामना या स्पर्धेत अपराजित असलेल्या नेदरलँड्सशी आहे. हे दोन्ही संघ प्रथमच आमनेसामने असून कतारचा गेल्या पाच सामन्यांत फक्त एकच विजय, तर नेदरलँड गेल्या पाच सामन्यांत अपराजित आहे. यातील चार सामने त्यांनी जिंकले आहेत, तर एक सामना अनिर्णित राहिला. सेनेगल आणि इक्वेडोर यांच्यात महत्त्वपूर्ण लढत अ गटात आज इक्वेडोरचा सामना सेनेगलशी होणार आहे. दोन्ही संघ आपापल्या गटात दुसरे स्थान मिळवून पुढील फेरीत प्रवेश करण्याचा प्रयत्न करतील. नेदरलँड या गटातून अंतिम १६ मध्ये पोहोचणे निश्चित आहे, परंतु इक्वेडोर आणि सेनेगल यांच्यात दुसऱ्या स्थानासाठी चुरस असणार आहे. हा सामना जिंकणारा संघच पुढील फेरीत प्रवेश करेल. दोन्ही संघ प्रथमच एकमेकांशी खेळत असून इक्वेडोर गेल्या पाच सामन्यांपैकी चार सामने अनिर्णित राहिले आहेत, तर एक जिंकला आहे. याचबरोबर सेनेगलने गेल्या पाचमध्ये तीन सामने जिंकले आहेत. एक अनिर्णित आणि एक पराभूत झाला. हा सामना अनिर्णित राहिला तर इक्वेडोरचा संघ पुढील फेरीत पोहोचेल. हेही वाचा : FIFA WC 2022: ब्रुनो फर्नांडिसने केलेल्या गोलवर रोनाल्डोचा दावा? Video शेअर करत नेटिझन्सने केले ट्रोल इंग्लंडला विजयासह बाद फेरी गाठायची आहे १९६६चा विश्वचषक जिंकणारा इंग्लंडचा संघ मंगळवारी शेवटचा गट सामना वेल्सविरुद्ध खेळणार आहे. हॅरी केनच्या संघाने येथे विजय मिळवला तर त्याला बाद फेरीत प्रवेश मिळेल. त्याचवेळी, वेल्सला स्पर्धेत टिकण्यासाठी विजय आवश्यक आहे, अन्यथा इंग्लंडला अलविदा म्हणण्याची वेळ येईल. हेही वाचा : “गरजेपेक्षा जास्त क्रिकेट…” संघांच्या व्यस्त वेळापत्रकावर ऑस्ट्रेलियाचा माजी कर्णधाराने व्यक्त केला संताप अमेरिकेला हवा विजय इराण विरुद्ध अमेरिका यांच्या या सामन्याकडे राजकीय दृष्टीकोनातूनही पाहिले जात आहे. अमेरिकेसाठी तो ‘करो या मरो’ असा सामना झाला आहे. या विजयामुळे संघाच्या फिफा विश्वचषकातील आशा जिवंत राहतील. वेल्ससोबत १-१ बरोबरी आणि इंग्लंडसोबत गोलशून्य बरोबरी झाल्यानंतर, यूएस संघ (दोन गुण) अंतिम१६ शर्यतीतून अनिर्णित किंवा पराभवाने बाहेर पडेल. इंग्लंड चार गुणांसह गटात अव्वल आहे. इंग्लंड चार गुणांसह गटात अव्वल आहे. त्यापाठोपाठ इराण तीन, अमेरिका दोन आणि वेल्सचा एक क्रमांक लागतो. अमेरिकेचा संघ युवा खेळाडूंनी भरलेला आहे. या संघाने कॅनडा आणि मेक्सिकोनंतर विश्वचषक पात्रता फेरीत तिसरे स्थान पटकावले. मिडफिल्डर वेस्टन मॅकेनीने सांगितले की तीन गुण जिंकणे आणि पुढे जाणे हे आमच्यासमोर एकमेव लक्ष्य आहे.
