FIFA World Cup 2022 Quarter Final Croatia vs Brazil Match Update | Loksatta

Fifa World Cup 2022: उपांत्यपूर्व फेरीत क्रोएशिया पहिल्यांदाच ब्राझीलला हरवण्याचा प्रयत्न करणार

दोन्ही संघांमध्ये एकूण ४ सामने झाले आहेत, त्यापैकी ब्राझीलने ३ वेळा विजय मिळवला आहे, तर क्रोएशियाने विरोधी संघाला एकदा बरोबरीत रोखले आहे.

Fifa World Cup 2022: उपांत्यपूर्व फेरीत क्रोएशिया पहिल्यांदाच ब्राझीलला हरवण्याचा प्रयत्न करणार
क्रोएशिया विरुद्ध ब्राझील फिफा विश्वचषक २०२२ (संग्रहित छायाचित्र-इंडियन एक्सप्रेस)

फिफा फुटबॉल विश्वचषक २०२२ चे पहिले दोन उपांत्यपूर्व फेरीचे सामने आज खेळवले जाणार आहेत. पाचवेळा विजेतेपद पटकावणारा ब्राझीलचा संघ गतवेळचा उपविजेता क्रोएशियाविरुद्ध पहिल्या उपांत्यपूर्व फेरीत सामना करेल. दोन्ही संघांमध्ये एकूण ४ सामने झाले आहेत, त्यापैकी ब्राझीलने ३ वेळा विजय मिळवला आहे, तर क्रोएशियाने विरोधी संघाला एकदा बरोबरीत रोखले आहे. अशा स्थितीत क्रोएशियाचा प्रयत्न प्रथमच ब्राझीलचा किल्ला भेदण्याचा असेल.

हा सामना दोहा येथील एज्युकेशन सिटी स्टेडियमवर भारतीय वेळेनुसार रात्री साडेआठ वाजता खेळवला जाईल. क्रोएशिया हा या विश्वचषकातील काही बलाढ्य संघांपैकी एक होता, ज्याने ग्रुप स्टेजमध्ये एकही सामना गमावला नाही. ग्रुप स्टेजमध्ये मोरोक्कोने संघाला गोलशून्य बरोबरीत रोखले असले तरी, १६ च्या फेरीत जपानविरुद्ध संघाला पूर्ण वेळेत गोल करता आला नाही. त्यामुळे पेनल्टी शूटआऊटमध्ये संघ विजयी झाला. तर, ब्राझील संघाने गटात सर्बिया आणि स्वित्झर्लंडचा पराभव केला. पण तिसऱ्या सामन्यात त्यांना कॅमेरूनने १-० ने पराभूत केले. तथापि, राऊंड ऑफ १६ मध्ये दक्षिण कोरियाला ४-१ ने पराभूत करून संघाने पुनरागमनाची संकेत दिले.

हेही वाचा – FIFA WC 2022: ‘कबूतर नृत्य’! लहान ब्राझिलियन मुलाने रस्त्यावर केले रिचर्लिसनच्या डान्सचे अनुकरण, Video व्हायरल

१९९८ मध्ये, क्रोएशियाने प्रथमच स्वतंत्र देश म्हणून विश्वचषक स्पर्धेत भाग घेतला आणि तिसऱ्या स्थानावर उपांत्य फेरी गाठली. यानंतर, २०१८ मध्ये, संघाने उपांत्य फेरी गाठली. तसेच येथे इंग्लंडला पराभूत करून अंतिम फेरीत प्रवेश केला. अंतिम फेरीत फ्रान्सकडून झालेल्या पराभवामुळे संघाच्या हातून विजेतेपद निसटले. ब्राझीलने १९५८, १९६२, १९७०, १९९४ आणि २००२ मध्ये विजेतेपद पटकावले होते. २००२ पासून प्रत्येक विश्वचषकात संघाने उपांत्यपूर्व फेरीपर्यंत मजल मारली आहे. पण २०१४ व्यतिरिक्त हा संघ कधीच उपांत्य फेरीत पोहोचला नाही.

हेही वाचा – Fifa World Cup 2022: संघ बाहेर पडल्यानंतर स्पेनचे प्रशिक्षक एनरिक यांची हकालपट्टी

क्रोएशिया विरुद्ध ब्राझीलकडे नेमार, व्हिनिसियस ज्युनियर, रिकारलिसन यांचा एक फॉरवर्ड आक्रमण आहे. जो त्यांना लवकर गोल करण्यात मदत करू शकतो. बचावातही संघाकडे डॅनिलो, कासेमिरोचे चांगले पर्याय आहेत. त्याचबरोबर क्रोएशियाला लुका मॉड्रिक, इव्हान पेरिसिक, डेजान लोवरेन या अनुभवी खेळाडूंच्या पाठिंब्याची गरज असेल. बाद फेरीत क्रोएशियन संघाने एकही गोल केला नाही, तर तो विरुद्ध संघापेक्षा चांगल्या प्रकारे गोलचा बचाव करतो. सध्या दिग्गजांची पहिली पसंती ब्राझील संघाला आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 09-12-2022 at 18:55 IST
Next Story
विश्लेषण: कैद्यांच्या देवाणघेवाणीत रशियाच्या तावडीतून अमेरिकन बास्केटबॉल पटूची मुक्तता! ब्रिटनी ग्रिनर प्रकरण नेमके काय आहे? जाणून घ्या