scorecardresearch

FIFA World Cup 2022: वेन हेनेसी वर्ल्ड कप इतिहासात रेड कार्ड मिळवणारा ठरला तिसरा गोलरक्षक, पाहा अगोदर कोणाला मिळाले

वेन हेनेसी वर्ल्ड कप इतिहासात रेड कार्ड मिळवणारा ठरला तिसरा गोलरक्षक

FIFA World Cup 2022: वेन हेनेसी वर्ल्ड कप इतिहासात रेड कार्ड मिळवणारा ठरला तिसरा गोलरक्षक, पाहा अगोदर कोणाला मिळाले
फिफा विश्वचषक २०२२ चे पहिले रेड कार्ड गोलरक्षक वेन हेनेसीला मिळाले. (सौजन्य- फिफा वर्ल्डकप २०२२)

फिफा विश्वचषक २०२२ फुटबॉल स्पर्धेत शुक्रवारी ब-गटाच्या सामन्यात इरानने वेल्सचा २-० असा पराभव केला. रुबेज चेश्मीने (९०+८ वे मिनिट) आणि रामीन रझियानने (९०+११वे मिनिट) यांनी भरपाई वेळेत नोंदवलेल्या निर्णायक दोन गोलने विजयात मोलाची कामगिरी बजावली. दरम्यान वेल्सचा गोलरक्षक वेन हेनेसीला रेड कार्ड देण्यात आले, जे फिफा विश्वचषक २०२२ चे पहिले रेड कार्ड आहे. ८६ व्या मिनिटाला रेफ्रींनी त्याला रेड कार्ड दाखवले.

वेल्सचा वेन हेनेसी हा वर्ल्ड कप इतिहासात रेड कार्ड मिळवणारा तिसरा गोलरक्षक आहे. त्याआधी १९९४ मध्ये इटलीचा गोलरक्षक जियानलुका पेग्लियुका याला नॉर्वेविरुद्ध बाहेरचा रस्ता दाखवण्यात आला होता. त्याच वेळी, दक्षिण आफ्रिकेच्या इटुमेलेंग कुनेला २०१० मध्ये उरुग्वेविरुद्ध रेड कार्ड मिळाले होते.

हेनेसी फिफा विश्वचषक २०२२ मधील पहिला खेळाडू आहे, ज्याला रेड कार्ड देण्यात आले आहे. वर्ल्डकपमधील एकूण खेळाडूंबद्दल बोलायचे झाले तर, हेनेसी हा रेड कार्ड मिळवणारा १७४ वा खेळाडू ठरला आहे. इराणचा स्ट्रायकर तारेमीला बॉक्सच्या बाहेर रोखण्यासाठी हेनेसीने धोकादायकपणे पाय वर केला. हेनेसीच्या जागी गोलरक्षक डेनी वॉर्डने क्षेत्ररक्षण केले.

हेही वाचा – FIFA World Cup 2022: मेस्सीला शिवीगाळ केल्याने अर्जेंटिना आणि मेक्सिकोच्या समर्थकांमध्ये जोरदार हाणामारी, पाहा व्हिडिओ

सामन्याबद्दल बोलायचे झाले, तर ९० मिनिटे दोन्ही संघांना एकही गोल करता आला नाही. पण शेवटच्या ३ मिनिटांच्या ९ मिनिटांच्या दुखापतीच्या वेळेत इराणने २ गोल करत सामना जिंकला. इराणच्या रुबेज चेश्मीने दुखापतीच्या वेळेत (९०+८) गोल करून वेल्सला चकित केले. पहिला गोल केल्यानंतर इराणचा संघ इतक्यावरच थांबला नाही. त्याने आणखी एक गोल केला. रामीन रझियानने दुखापतीच्या वेळेतही गोल केला (९०+११). स्कोअर लाइन २-० अशी राहिली.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 26-11-2022 at 09:47 IST

संबंधित बातम्या