अल रायन : कर्णधार रॉबर्ट लेवांडोवस्कीच्या सुरेख कामगिरीच्या जोरावर पोलंडने विश्वचषक फुटबॉल स्पर्धेत शनिवारी सौदी अरेबियाचा २-० असा पराभव केला. या विजयासह पोलंडने बाद फेरी गाठण्याच्या दिशेने पाऊल टाकले. पूर्वार्धात ३९व्या मिनिटाला पीटर झिएलिन्स्कीने पोलंडला आघाडीवर नेले. त्यानंतर उत्तरार्धात लेवांडोवस्कीने ८२व्या मिनिटाला पोलंडची आघाडी भक्कम केली. लेवांडोवस्कीचा हा विश्वचषक स्पर्धामधील पहिला गोल ठरला.

या बातमीसह सर्व प्रीमियम कंटेंट वाचण्यासाठी साइन-इन करा

पहिल्या सामन्यातील बरोबरीनंतर या विजयाने पोलंड क-गटातून आघाडीवर आले आहेत. सौदी अरेबियाने पहिल्या सामन्यात अर्जेटिनाला धक्का दिल्यामुळे त्यांच्या खेळाकडे सर्वाच्या नजरा होत्या. पोलंडला पहिल्या सामन्यात मेक्सिकोविरुद्ध बरोबरीवर समाधान मानावे लागले होते. त्यामुळे पोलंडसाठीही हा सामना तेवढाच महत्त्वाचा होता.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Fifa world cup poland beat saudi arabia lewandowski brilliance game sports news ysh
First published on: 27-11-2022 at 01:14 IST