World Cup 2023: स्टुअर्ट ब्रॉडची विजेतेपदाच्या प्रबळ दावेदारबद्दल मोठी भविष्यवाणी; म्हणाला, ‘या’ संघाला विश्वचषकात रोखणे कठीण

भारताला रोखणे कठीण होईल –

इंग्लंडचा महान वेगवान गोलंदाज स्टुअर्ट ब्रॉड भारताला २०२३ चा विश्वचषक जिंकण्याचा प्रबळ दावेदार असल्याचे मानतो. जर स्पर्धेतील सर्व काही यजमान संघाच्या योजनेनुसार झाले, तर त्यांना विजेतेपद पटकावण्यापासून रोखणे फार कठीण आहे. स्टुअर्ट ब्रॉड म्हणाला की, “जर इंग्लंडने आपले विश्वचषक विजेतेपद राखण्यात यश मिळवले तर ते विलक्षण असेल. मात्र, मला वाटते की जर भारताने आपली आदर्श स्पर्धा खेळली तर त्यांना रोखणे खूप कठीण होईल. तो म्हणाला, जोस बटलरकडे निश्चितच आव्हानात्मक संघ आहे, ज्याच्यात मोठी धावसंख्या उभारण्याची क्षमता आहे, परंतु मला वाटते की यजमान आणि अव्वल क्रमांकाचा वनडे संघ या नात्याने भारतासाठी त्यावर मात करणे खूप कठीण जाईल.”

आणखी वाचा

“कोण होणार मुख्यमंत्री?” शिंदे की फणडवीस? कोणाचा पक्ष मारणार बाजी? ज्योतिषतज्ज्ञांनी सांगितली भविष्यवाणी

Eknath Shinde : तुम्ही गृहखातं, विधानसभा अध्यक्षपद मागितलं…

माजी गृहमंत्री अनिल देशमुख यांच्या गाडीवर दगडफेक,राजकीय वर्तुळात खळबळ

Jasprit Bumrah : तबरेझ शम्सीच्या पोस्टने क्रिकेट विश्वाला दिला आश्चर्याचा धक्का! जसप्रीत बुमराहबरोबर घडला असा योगायोग की विश्वासच बसणार नाही

महाराष्ट्र वाहून जाणार की आपली वेगळी वाट आखणार?

वेडी आशा

पूल, इमारती म्हणजे विकास नव्हे! सुप्रिया सुळे यांनी पक्षातील फुटिरांना फटकारले

अलीकडील इतिहास काय सांगतो?

डेली मेलने ब्रॉडचा हवाला देत म्हटले आहे की, “अलीकडील इतिहास तुम्हाला दाखवतो की घरच्या संघांनी ५० षटकांच्या विश्वचषकात उत्कृष्ट कामगिरी केली आहे. २०११ चा विश्वचषक भारतात होता आणि विजेतेपदही भारतानेच पटकावले. तसेच २०१५ विश्वचषकाचे यजमानपद ऑस्ट्रेलियाकडे होते आणि त्यांनी विश्वचषकावर नाव कोरले. त्याचबरोबर २०१९ मध्ये सुद्धा हेच पाहिला मिळाले. कारण विश्वचषक इंग्लंडमध्ये होता आणि विजेतेपदही त्यांनी पटकावले . त्यानुसार यंदा भारतालाही त्याचा फायदा होईल.”

हेही वाचा – Asian Games: भारतीय क्रिकेट संघ ॲथलीट्स व्हिलेजमध्ये दाखल, उपांत्यपूर्व फेरीचा सामना खेळण्यासाठी उतरणार मैदानात

भारत आयसीसी ट्रॉफीचा दुष्काळ संपवण्यासाठी सज्ज –

भारताने शेवटचा एकदिवसीय विश्वचषक जिंकला होता, जेव्हा त्यांनी २०११ मध्ये इंग्लंडमध्ये १९८३ ची आवृत्ती जिंकल्यानंतर स्पर्धेचे सह-यजमानपद भूषवले होते. यावेळी भारत विश्वचषकातील सर्व सामने एकट्याने आयोजित करणार आहे. त्यामुळे कोणत्याही संघाला घरच्या मैदानावर भारताला आव्हान देणे कठीण होईल. गेल्या महिन्यात आशिया कपवर कब्जा केल्यानंतर भारताच्या नजरा विश्वचषकावर आहेत. टीम इंडिया लवकरच आयसीसी ट्रॉफीचा दुष्काळ संपवेल, असे अनेक तज्ज्ञ आणि दिग्गज क्रिकेटपटूंचे मत आहे, भारत ८ ऑक्टोबर रोजी चेन्नई येथे ऑस्ट्रेलियाविरुद्धच्या विश्वचषक मोहिमेची सुरुवात करेल.