scorecardresearch

Premium

French Open Tennis Tournament फ्रेंच खुली टेनिस स्पर्धा: त्सित्सिपास तिसऱ्या फेरीत

ग्रीसचा तारांकित खेळाडू स्टेफानोस त्सित्सिपासने फ्रेंच खुल्या टेनिस स्पर्धेत पुरुष एकेरीच्या तिसऱ्या फेरीत आगेकूच केली. तर, अमेरिकेच्या टेलर फ्रिट्ज व डेन्मार्कच्या होल्गर रुननेही विजय नोंदवले.

Stefanos Tsitsipas tennies
स्टेफानोस त्सित्सिपास

French Open Tennis Tournament: पॅरिस : ग्रीसचा तारांकित खेळाडू स्टेफानोस त्सित्सिपासने फ्रेंच खुल्या टेनिस स्पर्धेत पुरुष एकेरीच्या तिसऱ्या फेरीत आगेकूच केली. तर, अमेरिकेच्या टेलर फ्रिट्ज व डेन्मार्कच्या होल्गर रुननेही विजय नोंदवले. महिला गटात अग्रमानांकित पोलंडच्या इगा श्वीऑनटेक, कझाकस्तानच्या एलिना रायबाकिना व तिसऱ्या मानांकित अमेरिकेच्या जेसिका पेगुलाने विजय नोंदवत पुढची फेरी गाठली.

त्सित्सिपासने स्पेनच्या रोबेटरे कार्बालेस बाएनाला ६-३, ७-६ (७-४), ६-२ असे पराभूत केले. अन्य सामन्यात, रुनने अमेरिकेच्या ख्रिस्तोफर युबँक्सला ६-४, ३-६, ७-६ (७-२), ६-२ असे नमवले. फ्रिट्जने आपल्याच देशाच्या मायकल मोहला ६-२, ६-१, ६-१ असे सहज पराभूत केले. महिला गटात श्वीऑनटेकने स्पेनच्या क्रिस्टिना बुक्सावर ६-४, ६-० असे सरळ सेटमध्ये विजय मिळवला.तर, रायबाकिनाने चेक प्रजासत्ताकच्या ब्रेंडा फ्रुहविर्तोव्हाला ६-४, ६-२ अशा फरकाने नमवले.

harideep singh nijjar
पार्किंगजवळ अडवली गाडी, झाडल्या ५० गोळ्या; हरदीपसिंग निज्जरच्या हत्येचा थरारक घटनाक्रम वाचा!
Parineeti troll
“ही तर हद्द झाली…,” लग्नाच्या दुसऱ्याच दिवशी परिणीती चोप्रा ट्रोल, अभिनेत्रीबद्दल नाराजी व्यक्त करत नेटकरी म्हणाले…
amruta-fadanvis-daughters-day-post
“माझी मुलगीही ‘Awesome’ आहे, कारण…” जागतिक कन्या दिनानिमित्त अमृता फडणवीसांची खास पोस्ट
sharad pawar narendra modi (1)
“पंतप्रधान मोदींचं ‘ते’ विधान क्लेशदायक”, शरद पवारांनी मांडली स्पष्ट भूमिका; दिले १९९३ च्या घडामोडींचे दाखले!

साकेत-युकी जोडीचा विजय

भारताच्या साकेत मायनेनी व युकी भांबरी या पुरुष दुहेरीच्या जोडीने फ्रान्सच्या आर्थर रिंडरक्नेच व एन्झो कॉकॉड जोडीचा ६-३, ६-२ असा सरळ सेटमध्ये पराभव करत दुसरी फेरी गाठली. अन्य, दुहेरी सामन्यात भारताच्या जीवन नेदूंचेझियान व एन. श्रीराम बालाजी जोडीने ऑस्ट्रेलियाच्या इल्या इवाश्का व ॲलेक्झेइ पॉपरिन जोडीकडून ३-६, ४-६ अशी हार पत्करली.

Latest Comment
View All Comments
Post Comment

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 01-06-2023 at 00:50 IST

संबंधित बातम्या

गणेश उत्सव २०२३ ×