"संघाचा आणि खेळाडूंचा अपमान…", गौतम गंभीरने किर्ती आझाद यांना चांगलंचं सुनावलं; म्हणाले, "आपल्या यशाची किंमत होते"

Gautam Gambhir Slams Kirti Azad: भारताच्या टी-२० वर्ल्डकप विजयानंतर किर्ती आझाद यांनी केलेलं वादग्रस्त वक्तव्य सध्या चर्चेचा विषय आहे. आता गौतम गंभीरने त्यांना सुनावलं आहे.

Gautam Gambhir Slams Kirti Azad For Shame on indian team remark after T20 WC Win said Degrading your own players

गौतम गंभीरने किर्ती आझाद यांना सुनावलं (फोटो-X)

Gautam Gambhir Slams Kirti Azad for T20 WC Remark: भारतीय संघाने गौतम गंभीर यांच्या मार्गदर्शनाखाली व सूर्यकुमार यादवच्या नेतृत्त्वाखाली टी-२० विश्वचषक २०२६ चं जेतेपद पटकावलं. देशभरात भारताच्या या विजयाचा जल्लोष सुरू असताना माजी खेळाडूच्या वक्तव्याने मात्र वादाला तोंड फुटलं आहे. भारताच्या १९८३ मधील वर्ल्डकप विजेत्या संघातील खेळाडू किर्ती आझाद यांनी टीम इंडियाला लाज वाटली पाहिजे असं म्हणत वक्तव्य केलं. यावर आता भारताचे कोच गौतम गंभीरने यांनी प्रतिक्रिया दिली आहे.

स्पष्टवक्तेपणासाठी ओळखले जाणारे भारताचे मुख्य प्रशिक्षक गौतम गंभीर यांनी टी-२० विश्वचषक ट्रॉफीसह मंदिराला भेट दिल्याबाबत झालेल्या टीकेवर जोरदार प्रत्युत्तर दिलं आहे. क्रिकेटपटूनंतर राजकारणात प्रवेश केलेल्या किर्ती आझाद यांनी भारतीय संघाने ट्रॉफीसह अहमदाबादमधील हनुमान मंदिराला भेट दिल्याबद्दल टीका केली होती. त्यांनी भारतीय संघ, गंभीर आणि जय शाह (ICCचे अध्यक्ष) यांना सुनावलं.

भारताने अंतिम सामन्यात न्यूझीलंडवर विजय मिळवत टी-२० विक्रमी तिसऱ्यांदा टी-२० विश्वचषक जिंकल्यानंतर कर्णधार सूर्यकुमार आणि प्रशिक्षक गंभीर यांनी अहमदाबादमधील हनुमान मंदिरात जाऊन ट्रॉफीसह दर्शन घेतलं. या कृतीवर १९८३ च्या वर्ल्ड कप विजेत्या संघातील सदस्य आणि तृणमूल काँग्रेसचे खासदार किर्ती आझाद यांनी तीव्र टीका केली. ट्रॉफी केवळ मंदिरातच का नेली, इतर धर्मस्थळांवर का नेली नाही, असा प्रश्न उपस्थित करत त्यांनी या कृतीला भेदभावपूर्ण असल्याचं म्हटलं.

हेही वाचा

टोपी, मास्क अन् ट्रेनमधील वरची सीट.., T20 WC जिंकल्यानंतर शिवम दुबे पत्नीसह ट्रेनने परतला घरी; टीसीने नाव विचारताच काय घडलं?

गौतम गंभीर किर्ती आझाद यांच्या वक्तव्यावर नेमकं काय म्हणाला?

गौतम गंभीरने एएनआयशी संवाद साधताना या प्रश्नावर स्पष्ट उत्तर देत म्हणाले, “हा प्रश्न उत्तर देण्याइतकाही खरं महत्त्वाचा नाही. संपूर्ण देशासाठी हा मोठा क्षण आहे. माझ्या दृष्टीने हा देशासाठी अत्यंत अभिमानाचा क्षण आहे. त्यामुळे आपण वर्ल्डकप जिंकलेल्या संघाचा आनंद साजरा केला पाहिजे. काही लोकांची विधानं उचलून धरून त्यावर चर्चा करण्यात काही अर्थ नाही, कारण त्यामुळे आपल्या यशाची किंमत कमी होते.”

हेही वाचा

याला म्हणतात देशप्रेम! तिलक वर्माकडून नकळत तिरंगा पडला खाली, चूक कळताच तिलकच्या प्रतिक्रियेने जिंकली मनं; VIDEO व्हायरल

ते पुढे म्हणाले, “त्या १५ खेळाडूंनी केलेल्या मेहनतीचं आणि कामगिरीचं महत्त्व कमी करायचं असेल तर उद्या कोणीही काहीही विधान करेल आणि आपण ते गंभीरपणे घ्यायला लागलो, तर ते त्या मुलांसाठी अन्यायकारक ठरेल.”

हेही वाचा

“तुम्ही असे खराब…”, इशान किशन किर्ती आझाद यांच्या ‘संघाला लाज वाटायला हवी’ वक्तव्यावर संतापला, VIDEO व्हायरल

कोच गंभीर पुढे म्हणाले, “कल्पना करा, या खेळाडूंनी किती दबावाखाली हा प्रवास केला आहे. दक्षिण आफ्रिकेविरुद्धचा एक सामना गमावल्यानंतर त्यांच्यावर किती ताण होता. अशा परिस्थितीत आज जर कोणी अशा प्रकारची विधानं करत असेल, तर ते प्रत्यक्षात आपल्या खेळाडूंनाच आणि आपल्या संघाचा अपमान करण्यासारखं आहे आणि ते अजिबात योग्य नाही.” टी-२० विश्वचषक जिंकल्यानंतर संघाने कसं सेलिब्रेशन करायचं यावर नव्हे तर भारताने विक्रमी तिसऱ्यांदा वर्ल्डकप जिंकला यावर लक्ष केंद्रित केलं पाहिजे, असं कोच गंभीरने म्हटलं.