GT vs RR IPL 2026 Qualifier 2: गुजरातची तिसऱ्यांदा फायनलमध्ये धडक! राजस्थानवर प्लेऑफमध्ये मिळवला ऐतिहासिक विजय

नांद्रे बर्गरने १८ षटकाच्या पहिल्याचे चेंडूवर मोठा फटका खेळण्यासाठी गेलेल्या वॉशिंग्टन सुंदरला झेलबाद केलं. यासह आता गुजरातला विजयासाठी १८ चेंडूत १४ धावांची गरज आहे.

कर्णधार शुबमन गिलने महत्त्वाच्या सामन्यात शतक झळकावलं. गिलचं आयपीएल प्लेऑफ इतिहासातील सर्वात जलद शतक आहे. गिलने ४७ चेंडूत १५ चौकार व ३ षटकारांच्या मदतीने शतक पूर्ण केलं आणि संघाला विजयाच्या उंबरठ्यावर आणलं आहे. यासह आता गुजरातला विजयासाठी फक्त ४० धावांची गरज आहे.

https://twitter.com/himanshu4402/status/2060412507089694801

साई सुदर्शनने २६ चेंडूत १ षटकार व ४ चौकारांसह अर्धशतक झळकावलं आहे. यासह दोन्ही खेळाडूंनी १३४ धावांची भागीदारी रचली आहे. आता गुजरातला विजयासाठी ५८ चेंडूत ८१ धावांची गरज आहे.

बर्गरच्या चौथ्या षटकात साई सुदर्शनने मोठा फटका खेळला आणि फरेरा झेल टिपण्यासाठी मागच्या दिशेने धावत गेला आणि झेल सुटला. ज्याचा आता राजस्थानला चांगलाच फटका बसला आहे. त्यानंतर त्याने पुढच्या चेंडूवर चौकार खेचला. यानंतर आता ५ षटकांत संघाने ५९ धावा केल्या आहेत.

Vaibhav Sooryavanshi Record: वैभव सूर्यवंशीने गुजरातविरूद्ध आपल्या झुंजार खेळीच्या बळावर मोठा ऐतिहासिक विक्रम आपल्या नावे केला आहे. ...वाचा सविस्तर

सलग दुसऱ्या सामन्यात वैभव सूर्यवंशीचं शतक हुकलं. गुजरातविरूद्ध सामन्यात वैभव ९६ धावांवर बाद झाला. गेल्या सामन्यात हैदराबादविरूद्ध वैभव मोठा फटका खेळण्याच्या प्रयत्नात थर्ड मॅनजवळ बाद झाला, तर रबाडाच्या गोलंदाजीवर देखील वैभव त्या पद्धतीने थर्ड मॅनच्या फिल्डरला सोपा झेल देत माघारी परतला. बाद होताच वैभवने ओरडत स्वत:वर राग काढला. वैभवने ४७ चेंडूत ८ चौकार व ७ षटकारांसह ९६ धावा करत माघारी परतला.

वैभव सूर्यवंशीने गुजरातविरूद्ध ३१ चेंडूत ६ चौकार व २ षटकारांसह आपलं अर्धशतक केलं. वैभवचं आयपीएलमधील हे सर्वात स्लो अर्धशतक आहे. वैभवने या अर्धशतकाचं बिलकुल सेलिब्रेशन केलं नाही. याउलट वैभव मान खाली घालून चालत नॉन स्ट्राईकर एन्डच्य दिशेने गेला.

१२व्या षटकात जेसन होल्डरने गुजरातला अजून एक विकेट मिळवून दिली. दासुन शनाकाच्या ग्लोव्हजला लागत चेंडू बटलरच्या हातात गेला आणि गुजरातला चौथी विकेट मिळाली.

नवव्या षटकात राजस्थान रॉयल्सने १०० धावांचा पल्ला पार केला आहे. रशीद खान ९वं षटक टाकण्यासाठी आला आणि जडेजा मैदानाबाहेर गेल्यानंतर रियान पराग मैदानावर आला. रियानने पहिल्या दोन चेंडूवर चौकार-षटकार लगावला. तर वैभवनेही एक षटकार लगावत संघाचा १०० धावांचा पल्ला गाठला.

गुजरात संघाने पॉवरप्लेची सुरूवात चांगली केल्यानंतर राजस्थानने पॉवरप्लेचा शेवट गोड केला. वैभव सूर्यवंशी व रवींद्र जडेजा यांनी अर्धशतकी भागीदारी रचत संघाचा डाव सावरला. सहाव्या षटकात प्रसिध कृष्णाची धुलाई करत १७ धावा कुटल्या आणि राजस्थानने पॉवरप्लेमध्ये २ बाद ७० धावा केल्या आहेत.

कगिसो रबाडा दुसरं षटक टाकण्यासाठी आला आणि त्यानेही संघाला मोठी विकेट मिळवून दिली. रबाडाच्या षटकात शानदार चौकार मारत ध्रुव जुरेलने सुरूवात केली, पण पाचव्या चेंडूवर मोठा फटक खेळण्याच्या प्रयत्नात झेलबाद झाला. यासह राजस्थानने २ षटकांत २ बाद १३ धावा केल्या आहेत.

साई सुदर्शन, शुबमन गिल (कर्णधार), जोस बटलर (यष्टीरक्षक), निशांत सिंधू, वॉशिंग्टन सुंदर, जेसन होल्डर, रशीद खान, साई किशोर, कागिसो रबाडा, प्रसीध कृष्णा, मोहम्मद सिराज</p>

राजस्थान रॉयल्स आणि गुजरात टायटन्स यांच्यातील दुसऱ्या क्वालिफायर सामन्याची नाणेफेक राजस्थान संघाने जिंकत प्रथम फलंदाजी करण्याचा निर्णय घेतला आहे. या दुसऱ्या क्वालिफायर सामन्यासाठी नाणं २ वेळा उडावण्यात आलं, शुबमन गिल नाणं उडवत असताना रियानने हेड्स की टेल्स हे जोरात न बोलल्याने पुन्हा दुसऱ्यांदा नाणं उडवण्यात आलं. दुसऱ्यांदा नाणं उडवण्यात आल्याने शुबमन गिल वैतागलेला दिसला. गुजरातच्या प्लेईंग इलेव्हनमध्ये मोठा बदल करण्यात आलं आहे.